આપઘાત:બીમારીથી ત્રસ્ત આધેડનો ફાંસો ખાઈ આપઘાત

શહેરના સયાજીગંજ વિસ્તારમાં રહેતા આધેડ અનેક બીમારીથી ત્રસ્ત હતા તેઓએ પોતાના મકાનમાં ગળેફાંસો ખાઈ જીવન ટૂંકાવતા પોલીસે આગળની કાર્યવાહી હાથ ધરી હતી. પોલીસના જણાવ્યા અનુસાર શહેરના સયાજીગંજ સદર બજારમાં આવેલી નિલામ્બર ચાલીમાં 57 વર્ષના ઇગ્નેશભાઈ ક્રિસ્તી રહેતા હતા. તેઓ છેલ્લા ઘણા સમયથી અનેક બીમારીઓથી પીડાતા હતા. ઇગ્નેશભાઈ અપરિણીત હોવાથી તેઓ એકલવાયું જીવન વિતાવતા હતા. ગઈકાલે તેઓએ પોતાના મકાનમાં ગળેફાંસો ખાઈ જીવન ટૂંકાવ્યું હતું. ઘટનાની જાણ સયાજીગંજ પોલીસને થતા પોલીસે તેઓના મૃતદેહને સયાજી હોસ્પિટલ ખાતે ખસેડયા હતા.