સરપ્રાઇઝ:ભરત ડાંગર, જીવરાજ ચાૈહાણ, ગોપી તલાટીનું હોમવર્ક માથે પડ્યું

ભાજપની યાદીમાં સૌથી સરપ્રાઇઝીંગ નામ જ રાજેશ આયરેના સ્થાને તેમના પુત્ર શ્રી રંગ આયરે છે.તેને પક્ષમાં 23 વર્ષની સોૈથી નાની વયે ટિકિટ મેળવી છે. 2015માં આરએસપીની પેનલમાંથી 4 કાઉન્સિલરોને જીતાડી લાવનાર રાજેશ આયરે તાજેતરમાં ભાજપમાં બે સાથી કાઉન્સિલરો સાથે જોડાયા હતા. રાજેશ આયરે એક વાર અપક્ષ એક વાર ભાજપ અને એક વાર આરએસપીમાંથી કાઉન્સિલર રહી ચૂકયા છે. ત્યારે 3 ટર્મનો પક્ષનો નિયમ પણ સચવાઇ જાય તે પ્રકારે પુત્રને ટિકિટ અપાઇ હતી.

કેટલાક ધારાસભ્યો ગુરૂવારે સવારે ગાંધીનગર ગયા હતા અને ટિકિટ મુદે ચર્ચા કરી હતી. જેમાં રાજેશ આયરેના સ્થાને તેમના પુત્રની ટિકિટ નક્કી થઇ હતી. જેથી 2022ની વિધાનસભાની ચૂંટણી માટે સયાજીગંજ બેઠક પરથી રાજેશ આયરેનો રસ્તો ક્લિયર થઇ ગયો હોવાનું કહેવાય રહ્યું છે. શહેર ભાજપ આગેવાનોનો કોઈ પણ કાર્યક્રમ હોય તો ત્યારે ખેતેશ્વર સ્વિટ માર્ટમાંથી જ મીઠાઇ આવતી હોવાનું મનાય છે. ભાજપના આગેવાનોના માનીતા ખેતેશ્વર સ્વિટના સંચાલક મહાવીરસિંહ રાજપુરોહિતને વોર્ડ નંબર 2માંથી ટિકિટ અપાઇ છે.