શિક્ષકોનું જોડાણ:પાલિકા ચૂંટણીમાં પ્રથમવાર યુનિ.ના 1000 શિક્ષક જોડાશે

યુનિ.ના1000 શિક્ષકો સ્કૂલોના 2000 શિક્ષકો સ્થાનિક સ્વરાજ્યની ચૂંટણીમાં ફરજ બજાવશે. બુધવારથી તબક્કાવાર શિક્ષકોની ટ્રેનીંગ શરૂ કરાશે.21 ફેબ્રુઆરીના રોજ યોજાનારી કોર્પોરેશનની ચૂંટણીઓ માટે એમ.એસ.યુનિવર્સિટીના 1000 અધ્યાપકો અને શહેરની 300 સ્કૂલોના 2 હજાર કરતાં વધારે શિક્ષકોને ચૂંટણીલક્ષી ફરજો સોંપાઇ છે. ચૂંટણીઓની જાહેરાત પહેલા જ ટ્રેનીંગ શરૂ કરી દેવાઇ હતી. બુથ લેવલ ઓફીસર,આસીસ્ટન્ટ ઝોનલ,ઝોનલ ઓફિસર તરીકેની ફરજો શિક્ષકોને સોંપાય છે.

વિધાનસભા,લોકસભા કે સ્થાનીક સ્વરાજયની ચૂંટણીઓમાં સૌથી વધારે સંખ્યામાં શિક્ષકોને ફરજો સોપાય છે. સ્થાનીક સ્વરાજયની ચૂંટણીઓમાં 3 હજાર કરતા વધારે શિક્ષકો ફરજ બજાવશે. યુનિ.માં હાલમાં પરીક્ષાઓ ચાલી રહી છે જેથી તબક્કાવાર શિક્ષકોને ટ્રેનીંગમાં મોકલાશે.

ઝોનલ અધિકારી દ્વારા આસી.ઝોનલ અધિકારીઓને સાથે રાખીને બુથ તૈયાર કરવાની તૈયારી કરાય છે. આસી.ઝોનલ દ્વારા તમામ કામગીરી સંભાળવામાં આવતી હોય છે. ઇલેકશનના 15 દિવસ પહેલા પ્રીસાઇડીંગ ઓફીસરોને તાલીમ આપવામાં આવતી હોય છે. ઇલેકશનના દિવસે બુથમાં પ્રીસાઇડીંગ ઓફીસર,બે આસી.પ્રીસાઇડીંગ ઓફીસર,બેપોલીગ ઓફીસર અને એક પટાવાળા ફરજ બજાવતા હોય છે. ઉલ્લેખનીય છે કે યુનિવર્સિટીના અધ્યાપકોને પ્રથમ વાર કોર્પોરેશનની ચૂંટણીમાં ફરજ સોંપવામાં આવી છે.