'પુષ્પા' સ્ટાઇલમાં દારૂની હેરાફેરી, લેકિન બચેગા નહીં:વડોદરામાં બરોડા ડેરીના દૂધના ટેમ્પોમાંથી દારૂ ઝડપાયો, PCBએ આ રીતે ચોર ખાનામાંથી દારૂ બહાર કાઢ્યો, બે આરોપી ઝડપાયા

વડોદરા5 મહિનો પહેલા
દૂધના ટેમ્પામાં ખાનું બનાવીને દારૂના જથ્થાની હેરાફેરી થઇ રહી હતી - Divya Bhaskar
દૂધના ટેમ્પામાં ખાનું બનાવીને દારૂના જથ્થાની હેરાફેરી થઇ રહી હતી
  • રાજસ્થાનના બે આરોપીને વોન્ટેડને જાહેર કરાયા, ટેમ્પોનો માલિક પંચમહાલનો

વડોદરામાં પ્રિવેન્સ ઓફ ક્રાઇમ બ્રાન્ચ (PCB)એ ફિલ્મી સ્ટાઇલમાં દૂધના ટેમ્પામાં ખાનું બનાવી દારૂનો જથ્થો લઇ જતા બે શખસને ઝડપી પાડ્યા હતા. પોલીસે આ મામલે ગુનો નોંધીને વધુ તપાસ શરૂ કરી છે.

દૂધના ટેમ્પામાં ખાનું બનાવી દારૂનો જથ્થો ઘુસાડતા બે લોકો પકડાયા
તાજેતરમાં આવેલી સાઉથની ફિલ્મ 'પુષ્પા' માં ચંદનના લાકડાની દૂધના ટેન્કરની આડમાં ચોરી કરવામાં આવતા હોવાનું જોવા મળ્યું હતું. ફિલ્માં જેમાં આ કૌભાંડ પોલીસના હાથે ઝડપાઇ જાય છે તેમ વડોદરામાં પણ દૂધના ટેમ્પામાં ખાનું બનાવી દારૂનો જથ્થો ઘુસાડતા બે લોકો પકડાઇ ગયા છે.

પોલીસે બે શખસને ઝડપી પાડ્યા હતા
પોલીસે બે શખસને ઝડપી પાડ્યા હતા

ટેમ્પોને એલ એન્ડ ટી નોલેજ સિટી પાસે અટકાવ્યો
PCBના હેડ કોન્સ્ટેબલ દેવેન્દ્ર ચંદ્રકાંત અને દિપેશસિંઘને બાતમી મળી હતી કે, કેટલાક શખસો દૂધના ટેમ્પોમાં ચોર ખાનું બનાવી ઇંગ્લિશ દારૂ વડોદરા શહેરમાં ઘુસાડી રહ્યા છે. જેના આધારે આજે નેશનલ હાઇવે 48 પરથી પસાર થતાં ટેમ્પોને એલ એન્ડ ટી નોલેજ સિટી પાસે અટકાવી તેમાં તપાસ કરવામાં આવી હતી. જેમાંથી 3 લાખ 74 હજારની કિંમતની 3744 નંગ દારૂની બોટલો જપ્ત કરવામાં આવી હતી.

લાખ 74 હજારની કિંમતની 3744 નંગ દારૂની બોટલો જપ્ત કરવામાં આવી હતી.
લાખ 74 હજારની કિંમતની 3744 નંગ દારૂની બોટલો જપ્ત કરવામાં આવી હતી.

7.60 લાખ રૂપિયાનો મુદ્દામાલ જપ્ત
પોલીસ આ મામલે પુષ્કર ગણેશલાલ (રહે. ગામ. તારાવટ, વલ્લભનગર, જિલ્લો. ઉદેપુર, રાજસ્થાન) અને વેનીરામ સુખલાલ પટેલ (રહે. ગામ. બેસરાકલા, જિલ્લો-ઉદેપુર, રાજસ્થાન)ની ધરપકડ કરી છે. પોલીસે દારૂ અને ટ્રક સહિત કુલ 7 લાખ, 60 હજાર 900 રૂપિયાનો મુદ્દામાલ જપ્ત કર્યો છે.

બે આરોપી વોન્ટેડ
આ મામલે રાજુ પટેલ (રહે. ગામ. ઢાવા, રાજસ્થાન) અને રામલાલ પટેલ (રહે. રાજસ્થાન)ને વોન્ટેડ જાહેર કરવામાં આવ્યા છે. તપાસમાં જાણવા મળ્યું છે કે દુધ સપ્લાયનો ટેમ્પો (GJ-23-Y-8737)નો માલિક નરવતસિંહ અભેસિંહ બારીયા (રહે. વઢેલ ફળીયું, ચલાલી, પંચમહાલ) હોવાનું જાણવા મળ્યું છે.

અન્ય સમાચારો પણ છે...