હેલ્થ:SSGના કોરોના વોર્ડમાં દિવાળી ઊજવાશે

પરિવારજનો અને પરિવારથી દૂર રહીને સયાજી હોસ્પિટલમાં સારવાર મેળવી રહેલા દર્દીઓ દિવાળીના તહેવારનો આનંદ ઉઠાવી શકે તે માટે કોવિડ વિભાગમાં દિવાળી ઉજવણીનું અનોખું આયોજન કરવામાં આવ્યું છે. આ અંગે સયાજી હોસ્પિટલના નોડલ ઓફિસર ડો. બેલિમે જણાવ્યું કે, કોવિડ હોસ્પિટલમાં ચોથા માળે જેમને ખૂબ ઓછા ઓક્સિજનની જરૂર પડી રહી હોય તેવા દર્દીઓ સાથે શનિવારે સાંજે 7.45 વાગ્યે દીપોત્સવી ઉત્સવ ઊજવાશે, ટીએનએઆઇ વડોદરાના પદાધિકારીઓ જાગૃતિ ચૌહાણ અને કમલેશ પરમારના માર્ગદર્શન હેઠળ આ કાર્યક્રમ યોજાશે.