બરોડા ડેરીની નિયામક મંડળની ચૂંટણી:દિનુમામાએ 50 મંડળીના પ્રમુખોને પ્રવાસે મોકલ્યા

બરોડા ડેરીની નિયામક મંડળની ચૂંટણી 28 ડિસેમ્બર ને સોમવારના રોજ 13માંથી 7 ઝોનમાં યોજાશે. ચૂંટણી પહેલાં જ પાદરા ઝોનના ઉમેદવાર દિનુમામાએ 50 જેટલી મંડળીઓના પ્રમુખોને પ્રવાસે મોકલ્યા હોવાનું, જ્યારે પૂર્વ કોંગ્રેસ જિલ્લા પ્રમુખ નરેન્દ્ર મુખીએ પણ પોતાના મતદારોને પણ કોર્ડન કરી રાખ્યા હોવાનું ચર્ચાઈ રહ્યું છે. પાદરા ઝોનમાં કુલ 87 મંડળીઓ છે. જેમાં ચૂંટણીના દિવસે નરેન્દ્ર મુખી અને દિનુમામા વચ્ચે રસાકસી જામશે.

28 ડિસેમ્બરે સવારે 9થી બપોરે 3 વાગ્યા સુધી બરોડા ડેરીમાં જ મતદાન યોજાશે. જ્યારે 29 ડિસેમ્બરના રોજ મત ગણતરી થશે. બીજી તરફ શિનોરમાં ભાજપ પ્રેરીત પેનલનાં ઉમેદવાર વિરૂધ્ધ કરજણના ધારાસભ્ય અક્ષય પટેલ પ્રચાર કરી રહ્યાં હોવાની પણ વાત ફેલાઈ છે.જેને કોઈ સમર્થન મળ્યું નથી.