કોરોના વડોદરા LIVE:આજેનવા 4 કેસ, છેલ્લા 3 દિવસમાં 20 કેસ નોંધાયા, એક્ટિવ કેસનો આંક 41 ઉપર સ્થિર

વડોદરા મહાનગરપાલિકા દ્વારા જાહેર કરવામાં આવેલા આંકડાઓ પ્રમાણે, વડોદરા શહેર-જિલ્લામાં છેલ્લા 24 કલાકમાં નવા 4 કેસ નોંધાયા છે. જ્યારે 3 દિવસમાં 20 કેસ નોંધાયા છે. કોરોનાના કેસની કુલ સંખ્યા 1,34,064 પર પહોંચી ગઇ છે. આજે વધુ 4 દર્દીને ડિસ્ચાર્જ આપવામાં આવ્યો હતો. અત્યાર સુધીમાં કુલ 1,33,266 દર્દીને હોસ્પિટલમાંથી ડિસ્ચાર્જ આપવામાં આવ્યો હતો. અત્યાર સુધીમાં કુલ મૃત્યુઆંક 757 પર પહોંચ્યો છે.

એક પણ દર્દી દાખલ નહીં
વડોદરા શહેર અને જિલ્લામાં એક્ટિવ દર્દીઓની સંખ્યા 41 ઉપર સ્થિર છે. હાલમાં હોસ્પિટલોમાં એકપણ દર્દી દાખલ નથી. હાલમાં શહેરમાં 16 લોકો ક્વોરન્ટીન છે.

આ વિસ્તારોમાં નવા કેસો નોંધાયા
વડોદરામાં છેલ્લા 24 કલાકમાં માંજલપુર, મકરપુરા, ગોત્રી અને છાણીમાં નવા પોઝિટિવ કેસ નોંધાયા છે.

શહેરમાં ઝોન પ્રમાણે કેસ
વડોદરામાં છેલ્લા 24 કલાકમાં ઝોન પ્રમાણે નોંધાયેલા કેસ તરફ નજર કરીએ તો પૂર્વ ઝોન 0, પશ્ચિમ ઝોનમાં 1, ઉત્તર ઝોનમાં 1 અને દક્ષિણ ઝોનમાં 2 કેસ નોંધાયા છે.