કોરોના વડોદરા LIVE:પોઝિટિવ કેસનો આંક 24 હજારને પાર કરી 24020, મૃત્યુઆંક 241 અને કુલ 23176 દર્દી રિકવર થયા

મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેર જિલ્લામાં કોરોના કોરોના પોઝિટિવ કેસનો કુલ આંક 24 હજારને પાર કરી 24020 ઉપર પહોંચી ગયો છે અને મૃત્યુઆંક 241 થયો છે. ગત રોજ વડોદરા શહેર જિલ્લામાં વધુ 41 દર્દીને હોસ્પિટલમાંથી ડિસ્ચાર્જ કરવામાં આવ્યા છે. અત્યાર સુધીમાં કુલ 23176 લોકો કોરોનાને માત આપી ચૂક્યા છે. વડોદરામાં હાલ 603 એક્ટિવ કેસ પૈકી 51 દર્દી ઓક્સિજન ઉપર અને 25 દર્દી વેન્ટિલેટર ઉપર છે અને 527 દર્દીની હાલત સ્થિર છે.

વડોદરા રૂરલમાં સૌથી વધુ 7445 કેસ
વડોદરા શહેર જિલ્લામાં અત્યાર સુધીમાં કોરોનાના 24020 પોઝિટિવ કેસ નોંધાયા છે. જે પૈકી પૂર્વ ઝોનમાં 3569 પશ્ચિમ ઝોનમાં 3918, ઉત્તર ઝોનમાં 4689, દક્ષિણ ઝોનમાં 4363, વડોદરા ગ્રામ્યમાં 7445 અને 36 કેસ બહારના શહેર અને રાજ્યોના નોંધાયા છે.

આ વિસ્તારમાં કોરોનાના નવા કેસો નોંધાયા
શહેરઃ અટલાદરા, છાણી, તરસાલી, પાણીગેટ, દિવાળીપુરા, ફતેપુરા, કિશનવાડી, વડસર, વારસીયા, સંવાદ.
જિલ્લાઃ ડભોઇ, પાદરા, સોખડા, સાવલી, પોર, કરજણ