તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

કંપની સાથે છેતરપિંડી:વડોદરામાં કંપનીના મહત્વના ડેટા વેચીને કમાણી કરનાર ઇન્સ્પેક્ટર કો-ઓર્ડિનેટ સામે સાયબર ક્રાઇમમાં ફરિયાદ

વડોદરા16 દિવસ પહેલા
  • કૉપી લિંક
કંપની સાથે છેતરપિંડી કરનાર ઇન્સ્પેક્ટર કો-ઓર્ડિનેટ વિરુદ્ધ  કંપની સંચાલકે સાયબર ક્રાઇમ પોલીસ મથકે ફરિયાદ નોંધાવી(પ્રતિકાત્મક તસવીર) - Divya Bhaskar
કંપની સાથે છેતરપિંડી કરનાર ઇન્સ્પેક્ટર કો-ઓર્ડિનેટ વિરુદ્ધ  કંપની સંચાલકે સાયબર ક્રાઇમ પોલીસ મથકે ફરિયાદ નોંધાવી(પ્રતિકાત્મક તસવીર)
  • ઇન્સ્પેક્ટર કોર્ડિનેટે ડેટાનો પોતાની કંપનીમાં ઉપયોગ કર્યો હોવાની કબૂલાત કરી

વડોદરા શહેરમાં ખાનગી કંપનીના મહત્વના ડેટા અન્ય કંપનીને વેચી તગડી કમાણીની સાથે કંપનીને આર્થિક નુકસાન પહોંચાડનાર કંપનીનાં ઇન્સ્પેક્ટર કો-ઓર્ડિનેટ વિરુદ્ધ કંપની સંચાલકે સાયબર ક્રાઇમ પોલીસ મથકે ફરિયાદ નોંધાવી છે.

ઇન્સ્પેક્ટર કો-ઓર્ડિનેટના લેપટોપમાં કંપનીની વિગતો હતી
વડોદરા શહેરના ડભોઇ રિંગ રોડ ઉપર રહેતા અને તરસાલી વિસ્તારમાં ખાનગી કંપનીમાં મેનેજિંગ ડાયરેક્ટર તરીકે ફરજ બજાવતા પ્રશાંતભાઈ સુથારે નોંધાવેલી ફરિયાદમાં જણાવ્યું હતું કે, તેમની કંપનીમાં ઇન્સ્પેક્ટર કો-ઓર્ડિનેટ તરીકે દિપેનભાઇ પાંચની નોકરી કરતા હતા. તેમના લેપટોપમાં ગ્રાહકોની વિગત, કંપનીના ઇન્સ્પેક્શન રિપોર્ટ અને દેશ-વિદેશમાં કામ કરતા ઇન્સ્પેક્ટરની વિગતો હતી.

ઇન્સ્પેક્ટર કોર્ડિનેટે ડેટાનો પોતાની કંપનીમાં ઉપયોગ કર્યો હોવાની કબૂલાત કરી(પ્રતિકાત્મક તસવીર)
ઇન્સ્પેક્ટર કોર્ડિનેટે ડેટાનો પોતાની કંપનીમાં ઉપયોગ કર્યો હોવાની કબૂલાત કરી(પ્રતિકાત્મક તસવીર)

કંપનીનો ડેટા વેચી કમાણી કરી
દરમિયાન પોતાની સગાઇના બહાને દીપેન રજા પર ઉતર્યો હતો. ત્યારબાદ પરત ફરી તેણે સગાઇના ફોટો બતાવ્યા હતા. જોકે તે ફોટો જૂના હોવાથી તેની સામે શંકા ઉપજી હતી. પૂછપરછ દરમિયાન દીપેને જણાવ્યું હતું કે, પોતે ફેથ એન્જિનિયરિંગ અને ઇન્સ્પેક્શન સર્વિસીસ નામની કંપની પ્રોપરાઇટર સાથે ચલાવી આ કંપનીના ડેટાનો મારી કંપનીમાં ઉપયોગ કરી તેઓની પાસેથી કમાણી કરું છું.

લેપટોપમાં ગ્રાહકોની વિગત, કંપનીના ઇન્સ્પેક્શન રિપોર્ટ અને દેશ-વિદેશમાં કામ કરતા ઇન્સ્પેક્ટરની વિગતો હતી(પ્રતિકાત્મક તસવીર)
લેપટોપમાં ગ્રાહકોની વિગત, કંપનીના ઇન્સ્પેક્શન રિપોર્ટ અને દેશ-વિદેશમાં કામ કરતા ઇન્સ્પેક્ટરની વિગતો હતી(પ્રતિકાત્મક તસવીર)

મેનેજિગ ડિરેક્ટરે ભેજાબાજ સામે ફરિયાદ નોંધાવી
દિપેને ચોકાવનારી કબુલાત કરતાં મેનેજિગ ડિરેક્ટરે ભેજાબાજ દિપેન વિરુદ્ધ તમામ પુરાવા સાથે સાયબર ક્રાઇમમાં ફરિયાદ નોધાવી હતી. સાઇબર ક્રાઇમે ફરિયાદના આધારે છેતરપિંડી વિશ્વાસઘાતનો ગુનો દાખલ કરી કાર્યવાહી હાથ ધરી છે.

અન્ય સમાચારો પણ છે...