વિવાદ:ટ્રાફિક વિભાગના ACPના ઉદ્ધત વર્તન સામે ફરિયાદ

શહેર ટ્રાફિક વિભાગના મહિલા એસીપીએ વડોદરા રિક્ષા ચાલક કોંગ્રેસ યુનિયનના આગેવાનો અણછાજતું વર્તન કરતાં યુનિયનના આગેવાનો દ્વારા પોલીસ કમિશનરને ફરિયાદ કરાઇ છે. વડોદરા રિક્ષા ચાલક કોંગ્રેસ યુનિયનના મહામંત્રી જીવનભાઈ ભરવાડે પોલીસ કમિશનરને કરેલી ફરિયાદમાં જણાવ્યું હતું કે તેઓ અને યુનિયનના આગેવાનો બુધવારે સવારે રિક્ષા ચાલકોના સળગતા પ્રશ્નોના નિરાકરણની રજુઆત માટે ટ્રાફિક વિભાગ ના મહિલા એસીપી અમિતા વાનાણીને મળવા ગયા હતા .

જો કે ટ્રાફિકનો પ્રશ્ન જાણતા હોવા છતાં મહિલા એસીપી અમિતા વાનાણી એ મારે કોઈ રિક્ષા એસોસિએશનવાળાને મળવું નથી તેમ તેમના સ્ટાફને જણાવી દીધું હતું અને યુનિયનના આગેવાનો સાથે ઉધ્ધતાઇભર્યું વર્તન કરી મળવાની ના પાડી દીધી હતી. તેમણે આરોપ લગાવ્યો હતો કે અગાઉ પણ અન્ય સંગઠનોના આગેવાનો સાથે પણ મહિલા ટ્રાફિક એસીપી દ્વારા આ પ્રકારનું વર્તન કરાયું હતું. તેઓ આરોપ તેમણે લગાવ્યો હતો