કામગીરી:મુસ્લિમ પરિવારોમાં ઘરેલુ હિંસાના કેસો 10 ગણા વધ્યાં

કોરોના સમયગાળા દરમિયાન મુસ્લિમ કુટુંબોમાં મહિલા અને પુરુષો વચ્ચેના ઝગડાનુંં પ્રમાણ વધ્યું છે. પરિવારમાં લોકો હળીમળીને રહે તેવા હેતુથી જમાતે ઇસ્લામી હિંદના મહિલા વિભાગ દ્વારા મજબૂત ખાનદાન, મજબૂત સમાજનું અભિયાન શરૂ કરાયું છે. સંસ્થાના ગુજરાત ખાતેના ચેરપર્સન આરિફા પરવીન વડોદરાની મુલાકાતે આવ્યાં હતા.

તેમણે મીડિયા સાથેની વાતચીતમાં જણાવ્યું હતું કે, ‘નેશનલ વુમન કમિશનના અહેવાલ મુજબ મુસ્લિમ પરિવારોમાં કોરોનાકાળમાં ઘરેલુ હિંસાના કિસ્સાઓ 10 ગણા વધ્યા છે.આ માટે શરૂ કરાયેલા અભિયાન અંતર્ગત ગેટ ટુ ગેધર, ઇન્ટરનેશનલ વેબિનાર અને પેનલ ડિસ્કશન યોજીશું. બાળકો માટે વાર્તા કહેવાની સ્પર્ધા, નિબંધ સ્પર્ધા પણ યોજીશ્ું હાલમાં સંસ્થાના 18 સભ્યો ,250થી 300 જેટલા વોલેન્ટિયર્સ આ કામગીરી અમદાવાદ, વડોદરા, સુરત, મોડાસા, જૂનાગઢ, સહિતના 9 શહેરથીશરૂ કરી રહ્યાં છે.