ભાસ્કર એક્સક્લુઝિવ:365 દિવસમાં પાણીની જૂની લાઇનોમાં 2475 સ્થળે ભંગાણ

શહેરને અલગ અલગ ત્રણ પાણીના સ્ત્રોતથી 55 કરોડ લીટર જેટલું પાણી આપવામાં આવે છે. પરંતુ તે પૈકી 15 કરોડ લિટર લોકોને વાપરવા મળે તે પહેલાં વેડફાઈ જાય છે જેના મુખ્ય કારણો પાણીની ચોરી અને શહેરમાં પાણીની લાઈનમાં બારેમાસ પડતા ભંગાણ છે. ત્યારે છેલ્લા 1 વર્ષમાં અલગ અલગ વિસ્તારમાં પાણીની લાઈનમાં 2475 જેટલા ભંગાણ પડ્યા છે. જેમાં સૌથી વધુ પશ્ચિમ ઝોનમાં ભંગાણ પડ્યા હોવાનું ધ્યાને આવ્યું છે. જેના સમારકામ પાછળ રૂ. 3.10 લાખ ખર્ચ થયો છે.

શહેરમાં પાણીની લાઈનના જુના નેટવર્કના કારણે છાશવારે ભંગાણ પડે છે. વર્ષ 2021માં મોટી લાઈનમાં 405 જગ્યાએ પાણીની લાઈન તૂટી હતી. જેમાં પશ્ચિમ વિસ્તારમાં સૌથી વધુ 221 ભંગાણ સર્જાયા હતા. જેના કારણે હજારો ગેલન પાણી વેડફાયું હતું. પાણીની મોટી લાઈનમાં પડેલા ભંગણના સમારકામ પાછળ રૂ. 60 લાખનો ખર્ચ થયો છે. આ સિવાય વોર્ડ લેવલે પણ પાણીની ટાંકીથી વોર્ડમાં ઘરે ઘરે જતી પાણીની લાઈનમાં 2070 સ્થળોએ ભંગાણ પડ્યું હતું.

મરામત પાછળ રૂા. 3.10 કરોડનો ખર્ચ

આ વિસ્તારમાં વારંવાર ભંગાણ પડ્યાં