ક્રાઇમ:દારૂ-ગાંજો વેચતો હોવાની વાત ફેલાવતાં ચાકૂથી હુમલો

સમતા વિસ્તારમાં અમૃતનગરમાં હું ગાંજો કે દારૂ વેચતો નથી તેમ છતાં તું લોકોને કેમ કહે છે, તેમ કહી યુવકે ચપ્પુ વડે અન્ય યુવક પર હુમલો કરી તેને ઇજા ઈજાઓ પહોંચાડી હતી લક્ષ્મીપુરા પોલીસે હુમલાખોરની ચપ્પુ સાથે અટકાયત કરી હતી. સમતામાં અમૃતનગરમાં રહેતો આકાશ ઝા છાણી જકાતનાકા પાસે આવેલા કોલ સેન્ટરમાં નોકરી કરે છે. સોમવારે સાંજે આકાશ તેના ઘરે હતો તે સમયે અમૃતનગરની આગળની ગલીમાં રહેતા મયૂર ઉર્ફે ડુંગળી બહાદુરસિંગ મિરોલાએ તેને ફોન કરી જણાવ્યું હતું કે, હું ગાંજો કે દારૂ વેચતો નથી તેમ છતાં તું મયુર દારૂ તથા ગાંજો વેચે છે તેમ કેમ કહે છે.

જોકે આકાશે આમ ન કહ્યું હોવાનું જણાવતાં મયુરે તેણે ફોન પર ગાળાગાળી શરૂ કરી હતી. ઉશ્કેરાયેલો મયુર સ્કૂટર લઇ તેના ઘર નજીક આવી ચડ્યો હતો અને ચપ્પુ વડે આકાશના પેટના ભાગે અને પાછળના ભાગે ઘા કર્યા હતા. મયુર ઉર્ફે ડુંગળીના હુમલામાં આકાશ ઈજાગ્રસ્ત થયો હતો.પોલીસે તપાસ હાથ ધરી છે.