વિક્ટિમ સપોર્ટ પ્રોગ્રામ અંતર્ગત મદદ:દુબઇમાં વડોદરાના દંપતીની હત્યા બાદ નિરાધાર 2 પુત્રીને UAEના ગોલ્ડન વિઝા, અઢી વર્ષ પહેલાં પાકિસ્તાની નોકર દ્વારા દુબઈમાં હત્યા કરાઈ હતી

મૂળ વડોદરાના હિરેન અઢિયા અને તેમનાં પત્ની વિધિ દુબઈની ઓઈલ કંપનીમાં કામ કરતાં હતાં. તેમના ઘરે પાકિસ્તાની નોકર પણ કામ કરતો હતો. 2018માં જૂનમાં ઘરમાં ચોરી કરતા પાકિસ્તાની નોકરને હિરેન અઢિયા જોઈ ગયા હતા. જેથી નોકરે ચપ્પુના 15 ઘા મારી તેમની હત્યા કરી હતી અને તેમનાં પત્ની પર પણ ચપ્પુના ઘા ઝીંકી તેમની હત્યા કરી હતી. તેમની મોટી પુત્રીએ પોલીસને જાણ કરી હતી. દુબઇ પોલીસે ઘટનાના 24 કલાકમાં જ આરોપીને ઝડપી લીધો હતો.

ઘટનામાં નિરાધાર બની ગયેલી બંને પુત્રીની મદદે યુએઈ સરકાર આવી હતી અને બંનેને ગોલ્ડન વિઝા આપ્યા હતા. ઉપરાંત તેમનાં દાદા-દાદીને પણ ગોલ્ડન વિઝા આપવામાં આવ્યા હતા અને સરકારે બંને પુઓને સતત માર્ગદર્શન પણ આપ્યું હતું. બંને પુત્રીને બે યુનિવર્સિટીમાં ભણતરનો ખર્ચ પણ સરકાર દ્વારા ઉઠાવી લેવામાં આવ્યો હતો.