કારર્કિદી:સંસ્કૃત લેનારને આયુર્વેદમાં અને કમ્પ્યૂટર વિષય હોય તો બીસીએમાં પ્રવેશ આસાન

વડોદરા10 દિવસ પહેલા
  • કૉપી લિંક
  • ધો. 10માં વિષય પસંદગી કારર્કિદી માટે મહત્ત્વની

હાલમાં ધોરણ 9ના પરિણામો જાહેર થઇ ગયા છે. હવે ધોરણ 10 માં વિષય પસંદગી વિદ્યાર્થીઓની કારર્કિદી માટે મહત્વની છે. શિક્ષણવિદોના મત અનુસાર વિદ્યાર્થીઓએ શું કરવું છે તે ધ્યાન રાખીને વિષય પસંદ કરવા જોઇએ. જેમ કે સંસ્કૃત વિષય લેનારને આર્યુવેદના અભ્યાસમાં ફાયદો થાય છે તેવીજ રીતે આર્ટસ સાથે ચિત્ર લેનારને ફાઇન આર્ટસનો પ્રવેશ આસાન થઇ શકે છે. કોમ્પ્યુટર લેનાર વિદ્યાર્થીઓને બીસીએમાં ફાયદો થાય છે. ધોરણ 10 માં એક મહિના બાદ પણ વિષય બદલવો હોય તે બદલી શકે છે.

ભાષાની પસંદગી બાબતે શું ધ્યાન રાખવું?
ગુજરાતી-
અંગ્રેજી (હાયર લેવલ) પ્રથમ ભાષા (ફરજિયાત)
અંગ્રેજી-ગુજરાતી (લોવર લેવલ) બીજી ભાષા (ફરજિયાત)

સંસ્કૃત - વિદ્યાર્થીઓ સ્કોરીંગ વિષય તરીકે પસંદ કરે છે ટકાવારી વધી શકે છે. ધ12 સાયન્સ પછી આયુર્વેદ કરનાર માટે ફાયદારૂપ.

હિન્દી - સરકારી ક્ષેત્રમાં પ્રમોશન મેળવતી વખતે અથવા નોકરી દરમિયાન ધોરણ 10 અને 12માં હિન્દી હોવું મહત્વનું છે.

ધોરણ 10 પાસ કર્યા પછી હિન્દી વિષયને આઇસોલેટ વધારાના વિષય તરીકે પરીક્ષા વિદ્યાર્થીઓ આપી શકે છે.

વૈકલ્પિક વિષયોની પસંદગી

  • કોમ્પ્યુટર, ચિત્ર, શારીરીક અને સ્વાસ્થય શિક્ષણ,સંગીત માંથી એક વિષય પસંદ કરવાનો હોય છે. જેની સૈધ્ધાંતિક - પ્રાયોગિક પરીક્ષા શાળા કક્ષાએ જ લેવામાં આવે છે બોર્ડને ગુણ મોકલવામાં આવે છે જેનું ગ્રેડમાં રૂપાંતર થાય છે. ગુણની કુલ ટકાવારીમાં આ વિષયનો ગણતરી કરાતી નથી.
  • ધોરણ 10માં ચિત્ર ની પસંદગી કરનાર આગળ ફાઇન આર્ટસ,સિવિલ ડ્રાફટમેન જેવા અભ્યાસક્રમમાં મદદરૂપ થાય છે.
  • સંગીત વિષય લેનારને આગળ જતાં પરફોમીંગ આર્ટસ માટે ફાયદો થાય છે
  • શારિરીક સ્વાસ્થ્ય લેનાર વિદ્યાર્થીઓને પીટી શિક્ષક સહિત સ્પોર્ટસમાં કારર્કિદી બનાવવાની ઉજળી તકો રહેલી છે
  • કોમ્પ્યુટર વિષયની પસંદગી કરનારને બીસીએ, સરકારી નોકરી, ડેટા એન્ટ્રી ઓપરેટર તરીકે તક સાંપડી શકે છે.

બેઝિક અને સ્ટાન્ડર્ડ ગણિત
બેઝીક ગણિત - સામાન્ય પ્રવાહમાં પ્રવેશ મળે છે. ધોરણ 11 વિજ્ઞાન પ્રવાહમાં જીવવિજ્ઞાનની પસંદગી કરી શકે છે.

સ્ટાર્ન્ડડ ગણિત - સાયન્સમાં પ્રવેશ માટે પસંદ કરતાં હોય છે જોકે પસંદ કરનાર વિદ્યાર્થી કોમર્સમાં પણ જઇ શકે છે.

(શિક્ષણવિદ પરેશ શાહ, કિરણ પટેલ, ભરત ઉપાધ્યાયના જણાવ્યાનુસાર)

અન્ય સમાચારો પણ છે...