ક્રાઇમ:ગુડ્સ નીચે યુવક કચડાયો બંને પગ કપાઈ જતાં મોત

શહેર નજીક આવેલા રણોલી રેલવે ટ્રેક પર એક યુવાનને ગુડ્સ ટ્રેનની ટક્કર વાગતા તેનું સયાજી હોસ્પિટલમાં સારવાર દરમિયાન મોત નીપજ્યું હતું. પોલીસના જણાવ્યા અનુસાર વડોદરા શહેર નજીક આવેલા રણોલી રેલવે ટ્રેક નજીક શનિવાર સાંજે એક અજાણ્યો વ્યક્તિ ગુડ્સ ટ્રેનની ટક્કરે ઘવાયો હતો. અકસ્માતમાં યુવાનના બંને પગ કપાઈ જતા તેને તાત્કાલિક સારવાર માટે સયાજી હોસ્પિટલ ખસેડાયો હતો. જ્યાં સારવાર દરમિયાન તેનું સયાજી હોસ્પિટલમાં મોત નીપજ્યું હતું. મૃતક યુવાન દીપકના નામનું રટણ કરતો હોવાનું પોલીસે જણાવ્યું હતું. રેલવે પોલીસે મૃતદેહને પોસ્ટમોર્ટમ અર્થે ખસેડી તેના વાલી વારસોની શોધખોળ શરૂ કરી છે.