• Gujarati News
  • Local
  • Gujarat
  • Vadodara
  • A Two day National Sanskrit Sastrarth Will Be Held At Neelkanth Dham Poicha From August 1, Governor Acharya Devvrat Will Be A Special Presence.

રાષ્ટ્રીય સંસ્કૃત શાસ્ત્રાર્થ:નીલકંઠ ધામ પોઇચામાં પહેલી ઓગસ્ટથી બે દિવસીય રાષ્ટ્રીય સંસ્કૃત શાસ્ત્રાર્થ યોજાશે, રાજ્યપાલ આચાર્ય દેવવ્રત ખાસ હાજરી આપશે

વડોદરા9 દિવસ પહેલા
  • કૉપી લિંક
નીલકંઠ ધામ પોઇચા મંદિર - Divya Bhaskar
નીલકંઠ ધામ પોઇચા મંદિર

સંસ્કૃત ભાષા અને સંસ્કૃતિના રક્ષણ કરવાના ઉદેશ સાથે પવિત્ર શ્રાવણ માસમાં રાષ્ટ્રીય સંસ્કૃત શાસ્ત્રાર્થ યોજાશે. વડોદરાએ છોટી કાશી અને વિદ્વાનોની નગરી તરીકે ખ્યાતિ મેળવી છે. તેની નજીક આવેલ શ્રી નીલકંઠ ધામ પોઇચા ખાતે રાષ્ટ્રીય સંસ્કૃત શાસ્ત્રાર્થનું આયોજન પહેલી અને બીજી ઓગસ્ટના રોજ કરવામાં આવ્યું છે.

શ્રી સ્વામિનારાયણ ગુરુકુલ રાજકોટ સંસ્થાનના અમૃત મહોત્સવ ઉપક્રમે આયોજીત રાષ્ટ્રીય સંસ્કૃત શાસ્ત્રાર્થનું દીપપ્રાગટય રાજકોટ શ્રી સ્વામિનારાયણ ગુરુકુલના અધ્યક્ષ દેવકૃષ્ણદાસજી સ્વામી, વડતાલ શ્રી સ્વામિનારાયણ મંદિરના કોઠારી ડો. સંત વલ્લભદાસજી સ્વામી, નીલકંઠ ધામ પોઈચાના મહંત ધર્મવલ્લભદાસજી સ્વામી, કેન્દ્રીય સંસ્કૃતિ વિશ્વવિદ્યાલય દિલ્હીના કુલપતિ પ્રો. નિવાસ વરખેડીજી તેમજ લખનઉ હાઇકોર્ટના પૂર્વ ન્યાયાધીશ એસ.એસ.ઉપાધ્યાયજીના હસ્તે કરાશે.

આ શાસ્ત્રાર્થમાં ભારતની જુદી-જુદી સંસ્કૃત યુનિવર્સિટીઓના કુલપતિઓ તથા પ્રોફેસરો પધારશે. જેમાં કાશી હિન્દુ વિશ્વવિદ્યાલય વારાણસી, રામકૃષ્ણ મિશન વિવેકાનંદ શૈક્ષણિક સંશોધન સંસ્થાન, રાષ્ટ્રીય સંસ્કૃત વિશ્વવિદ્યાલય તિરૂપતિ, કેન્દ્રીય સંસ્કૃત વિશ્વવિદ્યાલય દિલ્હી, કવિ કુલગુરુ કાલિદાસ સંસ્કૃત વિશ્વવિદ્યાલય રામટેક નાગપુર, રાષ્ટ્રીય સંસ્કૃત વિશ્વ વિદ્યાલય તિરૂપતિ, લાલ બહાદુર શાસ્ત્રી કેન્દ્રીય સંસ્કૃત વિશ્વ વિદ્યાલય દિલ્હી, કાશી વિદ્વત્ત પરિષદ વારાણસી, બ્રહ્મર્ષિ સંસ્કૃત મહાવિદ્યાલય, બામડેશ્વર સંસ્કૃત મહાવિદ્યાલય, જય તીર્થ વિદ્યાપીઠ બેંગ્લોર, સાંદિપની વિદ્યાનિકેતન પોરબંદર, સોમનાથ સંસ્કૃત વિશ્વ વિદ્યાલય વેરાવળ, બ્રહ્મર્ષિ સંસ્કૃત મહાવિદ્યાલય નડિયાદ, સૂર્યપુર સંસ્કૃત મહાવિદ્યાલય સુરત, ભાગવત વિદ્યાપીઠ સંચાલિત વરતંતુ સંસ્કૃત મહાવિદ્યાલય સોલા- અમદાવાદ, દર્શનમ સંસ્કૃત મહાવિદ્યાલય- એસજીવીપી-અમદાવાદ, સ્વામિનારાયણ ગુરુકુલ ધર્મજીવન સંત સંસ્કૃત પાઠશાળા નવસારી વગેરેના વિદ્વાનો ઉપસ્થિત રહેશે..

પ્રભુસ્વામીના જણાવ્યાનુંસાર તારીખ બીજી ઓગસ્ટના રોજ સવારે ગુજરાત રાજ્યના રાજ્યપાલ આચાર્ય દેવવ્રત ખાસ ઉપસ્થિત રહેશે. તેઓનું સ્વાગત ગુરુકુલના ભૂતપૂર્વ વિદ્યાર્થીઓ ધીરૂભાઇ કોટડીયા, રાકેશભાઈ દુધાત કરશે. આ પ્રસંગે સ્વામિનારાયણ સંપ્રદાયના ભુજ, સરધાર, વડતાલ, પોરબંદર, રાજકોટ, સુરત, નવસારી વગેરે મંદિરો તથા ગુરુકુલોથી વિદ્વાન સંતો પધારી દર્શન આશીર્વાદનો લાભ આપશે.

અન્ય સમાચારો પણ છે...