અકસ્માત:માંજલપુરના આધેડનું ટ્રેનની ટક્કરે મોત

શહેરના માંજલપુરના આધેડનું વિશ્વામિત્રી અને મકરપુરા રેલવે સ્ટેશન વચ્ચે ટ્રેનની ટકકર વાગતા ગંભીર ઇજાઓનાં કારણે મોત નીપજ્યું હતું. પોલીસના જણાવ્યા અનુસાર શહેરના માંજલપુર પરમપાર્ક ફ્લેટમાં 47 વર્ષના સંજય પ્રભાકર કુલકર્ણી રહેતા હતા. તેઓ આજે સવારે વિશ્વામિત્રી રેલવે સ્ટેશન અને મકરપુરા રેલવે સ્ટેશન રેલવે ટ્રેક પર ટ્રેનની ટક્કર વાગતા દૂર ફંગોળાયા હતા. તેઓનું ગંભીર ઇજાઓનાં કારણે સ્થળ પર જ મોત નીપજ્યું હતું.

ઘટનાની જાણ થતાં સ્થાનિક લોકોના ટોળા સ્થળ પર દોડી આવ્યા હતા. પોલીસે મૃતદેહને સયાજી હોસ્પિટલ ખાતે ખસેડી આગળની કાર્યવાહી હાથ ધરી હતી.