દુર્ઘટના:વડોદરાના ગોરવા વિસ્તારની પંચવટી સોસાયટીમાં આવેલા એક ઘરમાં આગ, ફાયર બ્રિગેડની 3 ટીમે ઘટનાસ્થળે પહોંચી આગ પર કાબૂ મેળવ્યો

શહેરના ગોરવા વિસ્તારમાં આવેલી પંચવટી સોસાયટીમાં આવેલા એક ઘરમાં આગ લાગી છે. આ ઘટનાની જાણ થતા જ ફાયર બ્રિગેડની 3 ટીમ ઘટનાસ્થળે પહોંચી છે. ઘરમાં ફરાસખાનાનું ગોડાઉન બનાવવામાં આવ્યું છે. પ્રાથમિક તપાસમાં ફટાકડાને કારણે આગ લાગી હોવાનું અનુમાન લગાવવામાં આવી રહ્યું છે.

ભારે જહેમત બાદ ફાયર ફાયટરોએ આગ પર કાબૂ મેળવ્યો હતો. આ ઘટનાને પગલે સ્થાનિક કાઉન્સિલર અને મેયર પણ ઘટનાસ્થળે પહોંચ્યા હતા. આ ઘટનામાં કોઈ જાનહાનિ થઈ નથી.