પસંદગી:MSUના 4 અને પારૂલ યુનિવર્સિટીના 1 વિદ્યાર્થી મળીને NCCના 5 કેડેટ દિલ્હી જઇ પરેડ કરશે

ભારતના 72માં ગણતંત્ર પર્વની પરેડમાં વડોદરા શહેરના કુલ 5 એન.સી.સી કેડેટની પસંદગી કરવામાં આવી છે. વિશ્વ સંક્રમિત મહામારી કોવિડ-19ની ગાઈડલાઈન મુજબ સમગ્ર ગુજરાતમાંથી કુલ 26 એન.સી.સી કેડેટની પસંદગી કરવામાં આવી છે. જેમાં એમએસયુના બીકોમ વિભાગમાંથી કુલ 3 એન.સી.સી કેડેટ જેમાં પી.ઓ કેડેટ પ્રિયા શર્મા જેઓ 2 નેવલ બટાલિયનમાં છે, આર્મી વિંગની કેડેટ અંજલિ શર્મા જેઓ 6 ગુજરાત બટાલિયનના છે અને કેડેટ પાર્થ ઠાકુર જેઓ 3 ગુજરાત બટાલિયનના છે.

આ ઉપરાંત એમએસયુના બી.એ વિથ પોલિટિકલ સાયન્સમાં અભ્યાસ કરતા કેડેટ પ્રતીક્ષા ચૌહાણ જેઓ ગુજરાત એર સ્કોન બટાલિયનના છે. અને પારુલ યુનિવર્સિટીમાં અભ્યાસ કરતા ધીરજ સીંગ જેઓ 1 ગુજરાત એસ સ્કોન બટાલિયનના છે તેની પસંદગી કરવામાં આવી છે. ભારતના દરેક રાજ્યોમાંથી 26 કેડેટને દિલ્હી એનસીસી કેન્ટોનમેન્ટમાં લાવવામાં આવ્યા છે. આ 5 કેડેટ ગુજરાતના 26 કેડેટ સાથે રાજ્યનું પ્રતિનિધિત્વ કરશે.