કોરોના વડોદરા LIVE:શહેરમાં આજે કોરોનાના વધુ 4 કેસ નોંધાયા, એક્ટિવ કેસનો આંક વધીને 21 થયો

વડોદરા મહાનગરપાલિકાએ જાહેર કરેલા આંકડાઓ પ્રમાણે, વડોદરા શહેરમાં કોરોનાના આજે વધુ 4 પોઝિટિવ કેસ નોંધાયા છે. કેસનો કુલ આંક 100,935 ઉપર પહોંચી ગયો છે અને મૃત્યુઆંક 544 થયો છે. અત્યાર સુધીમાં કુલ 100,370 લોકો કોરોનાને માત આપી ચૂક્યા છે. વડોદરામાં કોરોનાના એક્ટિવ કેસનો આંક 21 ઉપર પહોંચ્યો છે.

આ વિસ્તારમાં કોરોનાના નવા કેસો નોંધાયા
વડોદરા શહેરના અકોટા, દિવાળીપુરા, અને સિયાબાગ વિસ્તારમાં આજે કોરોનાના નવા 4 કેસ નોંધાયા છે. કુલ 224 સેમ્પલ લેવાયા હતા. જેમાંથી 4 દર્દીના રિપોર્ટ પોઝિટિવ આવ્યા હતા. હાલ 20 લોકો હોમ ક્વોરન્ટીન છે. આજે 2 દર્દીને હોસ્પિટલમાંથી ડિસ્ચાર્જ કરવામાં આવ્યા હતા.

દર્દીઓનો રાફડો ફાટ્યો
વડોદરા સહિત ગુજરાતમાં કોરોનાનાં લક્ષણ ધરાવતા ફ્લૂએ માથું ઊંચક્યું છે, ત્યારે રાજ્યમાં છેલ્લા કેટલાક સમયથી શરદી, ખાંસી, તાવ જેવાં લક્ષણોવાળા દર્દીઓનો રાફડો ફાટ્યો છે.