કોરોના ઇફેક્ટ:2 દિવસમાં બરોડા ડેરી સહિત દૂધનાં 35 સેમ્પલ એકત્ર કરાયાં, પાલિકાના ફૂડ વિભાગ દ્વારા દૂધની દુકાનોમાં ચેકિંગ

લોકડાઉનમાં દૂધની ડિમાન્ડ વધી છે ત્યારે ધારાધોરણ મુજબ દૂધ પુરૂ પડાય છે કે કેમ તે દિશામાં પાલિકાના ફૂડ વિભાગે 2 દિવસથી ચેકીંગ શરૂ કરી દૂધની દુકાનોમાંથી દૂધના 35 નમૂના લીધા છે. બે દિવસ અગાઉ રાજ્ય સરકારે વડોદરા પાલિકાના ફૂડ વિભાગને વિવિધ ડેરીના પાઉચમાં વેચાતા તેમજ છૂટક વેચાતા દૂધના સેમ્પલ લેવાની સૂચના આપી હતી. જે અન્વયે, પાલિકાના ફૂડ વિભાગના ડેઝીગ્નેટેડ ઓફિસર ડો.મુકેશ વૈધે ફૂડ ઇન્સ્પેક્ટરોની 4ટીમ બનાવીને તપાસ કરવા ફરમાન કર્યું હતું. આ ટીમોએ બરોડા ડેરી, વિમલ ડેરી, માહી ડેરી અને ગામઠી ડેરીના દૂધના નમૂના સાથે ફતેગંજ સહિતના   વિસ્તારમાંથી લુઝ દૂધના પણ સેમ્પલ લઈને લેબમાં મોકલી આપ્યા છે.