ધરપકડ:ઘરફોડ ચોરી કરતી ટોળકીના 3 ઝડપાયા

વારસિયા વિસ્તારમાં તાજેતરમાં થયેલી ચોરી અંગે વારસિયા પોલીસના પીઆઈ કે.એન.લાઠિયાએ તપાસ શરુ કરી હતી. જેમાં બાતમીના આધારે પોલીસે સની વિઠ્ઠલ પવાર તથા જય કિશન ઉર્ફે ક્રિષ્ના ભરત દરબાર અને ગોવિંદ મનોજ ચૌહાણ ને ઝડપી લીધા હતા .જ્યારે તેમનો સાથીદાર પ્રકાશ વિજય રાજપુત ફરાર થઈ ગયો હતો. પોલીસે ત્રણેની પૂછપરછ કરતાં તેમણે વારસિયા હરણી અને ફતેગંજ વિસ્તારમાંથી બાઈકની ચોરી કર્યા બાદ ઘરફોડ ચોરી કરી હોવાનું બહાર આવ્યું હતું આ ટોળકી રાત્રે બાઇકની ચોરી કર્યા બાદ તેનો ઉપયોગ કરીને ઘરફોડ ચોરી કરતા હતા અને ચોરી કર્યા બાદ બાઇક કોઈ અવાવરું જગ્યાએ મુકી દેતા હતા. પોલીસે તેમની પાસેથી સોના ચાંદીના દાગીના અને ત્રણ બાઈક સહિત 1.70 લાખનો મુદ્દામાલ કબજે કર્યો હતો.