દિવાળી વેકેશન:પાલિકામાં 3 દિવસ રજા, અધિકારી મંજૂરી વિના હેડ કવાર્ટર નહીં છોડે

દિવાળીના તહેવારો શરૂ થઇ ગયા છે ત્યારે પાલિકામાં 3 દિવસનું મિનિ વેકેશન પડી રહ્યું છે. જોકે રજાઓ દરમિયાન ખાતાના અધિકારીઓઅે પરવાનગી વગર વડોદરા છોડવું નહીં તેવો કમિશનરે આદેશ કર્યો છે. પાલિકામાં બીજા શનિવાર અને રવિવારની રજા છે અને સોમવારે સત્તાવાર જાહેર રજા છે, જેના કારણે 3 દિવસની રજા કર્મચારીઓને મળી રહી છે. તારીખ 14 થી 16 દરમિયાન કામકાજ બંધ રહેવાથી આવશ્યક સેવાને અસર ન થાય તે માટે કમિશનરે ધ્યાન રાખવા સૂચના આપી છે. ખાતાના અધિકારીઓએ કમિશનરની પરવાનગી સિવાય હેડ ક્વાર્ટર છોડવું નહીં અને અનિવાર્ય સંજોગોના કારણે હેડ ક્વાર્ટર છોડવું પડે તો કયા અધિકારી ચાર્જમાં રહે છે તે જણાવી મંજૂરી લઈ જ વડોદરા છોડે તેવો આદેશ જારી કર્યો છે.