કાર્યવાહી:કારેલીબાગ લૂંટમાં કામવાળી સહિત 3 આરોપી જેલ હવાલે

કારેલીબાગ સોનાલી સોસાયટીમાં કામવાળી મહિલા સહિત 4 લૂંટારાઓએ વૃદ્ધાને ચાકુ મારી દાગીના અને રોકડ મળી 2.63 લાખની લૂંટ કરી હતી. બનાવમાં સંડોવાયેલા કામવાળી સહિતના 3 આરોપીના રિમાન્ડ પુરા થતાં પોલીસે અદાલતમાં રજુ કરી ત્રણેયને જેલમાં ધકેલી દીધા હતા .

ગત સોમવારે વહેલી સવારે કારેલીબાગ સોનાલી સોસાયટીમાં રહેતા જયદીપ પ્રવિણભાઇ ગોરના ઘરમાં ઘૂસી મહિલા સહિત 4 લૂંટારાઓએ તેમની માતા રંજનબહેન પર હુમલો કરી 1.63 લાખની મતા લૂંટી હતી. જેમાં પોલીસે આકાશ સંજય રાવળ, અર્જુન કિરણ ખારવા અને કામવાળી મહિલા ડિમ્પલ વસંત સોનીને ઝડપી લીધાં હતાં.