દારૂની હેરાફેરી:વડોદરાના પાદરા-સાંગમા રોડ પર રાજસ્થાનથી લવાયેલો 28 પેટી વિદેશી દારૂ ઝડપાયો, એક ઝડપાયો, બે વોન્ટેડ

વડોદરા10 દિવસ પહેલા
  • કૉપી લિંક
રાજસ્થાનથી દારુ લઇને જંબુસર જતાં ખેપીયાની પોલીસે મુદ્દામાલ સાથે ધરપકડ કરી. - Divya Bhaskar
રાજસ્થાનથી દારુ લઇને જંબુસર જતાં ખેપીયાની પોલીસે મુદ્દામાલ સાથે ધરપકડ કરી.
  • વિદેશી દારૂ રાજસ્થાનથી જંબુસર લઇ જવાતો હતો

બરવાડામાં સર્જાયેલા લઠ્ઠાકાંડના પગલે પોલીસ તંત્ર દ્વારા વડોદરા શહેર-જિલ્લામાં ઘૂસાડવામાં આવી રહેલા દેશી-વિદેશીના કેરીયરો ઉપર બાજ નજર રાખવામાં આવી રહી આવી છે, ત્યારે વડોદરા જિલ્લા લોકલ ક્રાઇમ બ્રાંચે મળેલી બાતમીના આધારે પાદરાના સાંગમા પાસેથી કારમાં લઇ જવાતો રૂપિયા 1.34 લાખની કિંમતનો વિદેશી દારૂની 28 પેટી ઝડપી પાડી હતી. પોલીસે વિદેશી દારૂ જંબુસર તરફ લઇ જતા કાર ચાલકની ધરપકડ કરી કાર્યવાહી હાથ ધરી છે.

આ કારમાં વિદેશી દારુ લઇ જવામાં આવતો હતો
આ કારમાં વિદેશી દારુ લઇ જવામાં આવતો હતો

એલ.સી.બી.ની ટીમે વોચ ગોઠવી વિદેશી દારૂ ઝડપી પાડ્યો
મળેલી માહિતી પ્રમાણે વડોદરા જિલ્લા લોકલ ક્રાઇમ બ્રાંચના પી.આઇ. કે. એ. પટેલે જણાવ્યું હતું કે, એલ.સી.બી.માં ફરજ બજાવતા હે.કો. રવિન્દ્રભાઇ નાથાભાઇને માહિતી મળી હતી કે, પાદરા-જંબુસર રોડ ઉપરથી કારમાં વિદેશી દારૂનો જથ્થો જવાનો છે. જે માહિતીના આધારે એલ.સી.બી. સ્ટાફની પાદરા રોડ સાંગમાં કેનાલ પાસે વડોદરાથી પાદરા રોડ ઉપર જવાના રસ્તા ઉપર વોચ ગોઠવી દેવામાં આવી હતી. દરમિયાન બાતમી વાળી કાર પસાર થતાં, પોલીસે તેને અટકાવી હતી. અને તેમાં તપાસ કરતા વિદેશી દારૂની 28 પેટી મળી આવી હતી. અને પોલીસે આ વિદેશી દારૂનો જથ્થો લઇ જનાર ભુપેન્દ્રસિંહ કલ્યાણસિંહ સીસોદીયા (રહે. લીમડી, તા. આસપુર, રાજસ્થાન)ની ધરપકડ કરી હતી.

કાર, દારુ તેમજ મોબાઇલ ફોન કબજે કરવામાં આવ્યો
પોલીસે આ બનાવમાં વિદેશી દારૂનો જથ્થો કબજે કરવા સાથે રૂપિયા 2 લાખની કિંમતની કાર એક મોબાઇલ ફોન મળી કુલ્લે રૂપિયા 3,29,400 નો મુદ્દામાલ કબજે કર્યો છે. જિલ્લા લોકલ ક્રાઇમ બ્રાંચ દ્વારા બાતમીના આધારે દ્વારા વિદેશી દારૂનો જથ્થો ઝડપી પાડતા, બુટલેગરોમાં ફફાડાટ વ્યાપી ગયો છે. આ વિદેશી દારૂ મંગાવનારની ધરપકડ થયા બાદ અન્ય બુટલેગરોના પણ નામો ખુલે તેવી શક્યતાઓને નકારી શકાય તેમ નથી.

રાજસ્થાનથી જંબુસર લઇ જવાતો પકડાયેલો વિદેશી દારૂ.
રાજસ્થાનથી જંબુસર લઇ જવાતો પકડાયેલો વિદેશી દારૂ.

દારૂ મોકલનાર રાજસ્થાની અને મંગાવનારને વોન્ટેડ જાહેર કરાયા
વિદેશી દારૂ લઇ જતા ઝડપાયેલા ભુપેન્દ્રસિંહ સીસોસીદીયાની ઘનિષ્ઠ પૂછપરછ કરતા તેણે જણાવ્યું હતું કે, આ વિદેશી દારુનો જથ્થો રાજસ્થાનના અખેપુરના રહેવાસી લાલસીંહ ચૌહાણે ભરાવ્યો હતો અને પાદરા-જંબુસર રોડ ઉપર પહોંચ્યા બાદ ફોન કરવાનો હતો. અને લાલસિંહ જે નંબર આપે તેને ફોન કરીને પહોંચતો કરવાનો હતો. પોલીસે આ બનાવમાં રાજસ્થાનથી દારૂ મોકલનાર લાલસીંહ ચૌહાણ અને આ દારુ મંગાવનારને વોન્ટેડ જાહેર કરી તેઓની ધરપકડના ચક્રો ગતિમાન કર્યાં છે.

અન્ય સમાચારો પણ છે...