સ્ટેશનરી હવે ‘સ્ટ્રેસનરી’:કાગળ મોંઘાં થતાં નોટબુકમાં 20 ટકા ભાવ વધારાથી વડોદરા શહેર-જિલ્લાના 4 લાખ વાલી પર 25 કરોડનો બોજો

વડોદરા20 દિવસ પહેલાલેખક: નેહલ વ્યાસ
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • ઇંધણે ટ્રાન્સ્પોર્ટ મોંઘું કર્યું, ફી વધુ પડતી હતી જ, હવે કાગળ પણ વાલીઓને રડાવશે
  • વિદ્યાર્થી દીઠ રૂા. 700 થી 800 જેટલો ખર્ચો વધી જશે

કાગળ મોંઘા થતા સ્ટેશનરીના ભાવ આસમાને પહોંચ્યા છે. નોટબુકમાં 20 ટકા ભાવવધારાના પગલે શહેર-જિલ્લાના 4 લાખ વાલીઓ પર અંદાજે 25 કરોડનો બોજો આવશે. રોજે રોજે વધી રહેલી કારમી મોંઘવારીમાં ભણવાનો ખર્ચો વધતાં વાલીઓ માટે પડતા પર પાટું સમાન પરિસ્થિતિનું નિર્માણ થયું છે.

પેપર, રો-મટિરિયલ, લેબર, ટ્રાન્સપોર્ટેશનનો ખર્ચ વધવાથી સ્ટેશનરીના ભાવ વધ્યા છે. જેના કારણે વાલીઓ પર વધારાનો આર્થિક બોજો આવ્યો છે. વિવિધ કંપની-મેન્યુફ્રેક્ચરર દ્વારા એ-4, એ-5 અને સ્મોલ સાઇઝની નોટબુકના ભાવ વધારાયા છે. આ ભાવ વધારાથી શહેર-જિલ્લાના 4 લાખ જેટલા વાલીનો રૂા.700થી 800નો ખર્ચો વધતાં અંદાજે 25 કરોડ કરતાં વધારે બોજો આવશે. સતત વધતી મોંઘવારી વચ્ચે વાલીઓને ફી સહિત વાન, યુનિફોર્મના ખર્ચ સાથે નોટબુક-સ્ટેશનરીનો બોજો પણ આવશે. જૂન-જુલાઇમાં સ્ટેશનરીના ભાવ હજુ વધે તેવી શક્યતા છે. નોટબુકની સાથે પેન-પેન્સિલ, કલર, રબરના ભાવ પણ વધ્યા છે.

સ્ટેશનરીજૂના ભાવનવા ભાવ
એ-4 320 પાના100-120120-140
એ-5 સિંગલ લાઇન50-6565-75
એ-5 ડબલ લાઇન50-6565-75
એ-5 સ્કેવર50-6565-75
એ-5 ફોર લાઇન50-6565-75
સ્મોલ 8020-2525-30
એ-4 ડ્રોઇંગ બુક30-4535-40
એ-3 ડ્રોઇંગ બુક25-3530-40
પેન્સિલ40-5055-60
રબર18-2025-30
કલર30-4045-60

નોટબુકમાં વપરાતા મેપલિથો પેપરની કિંમત વધી
મેપલિથો (વર્જિન) પેપર જેનો ઉપયોગ નોટબુક માટે કરાય છે તેના ભાવ વધ્યા છે, જેથી નોટબુકના ભાવોમાં 20 ટકા વધારો છે. રબર, પેન્સિલ કલરના ભાવ પણ વધ્યા છે. - નરેશ શાહ, પ્રમુખ, બુક એન્ડ સ્ટેશનરી એસોસિયેશન, ગુજરાત

રૂા.2 હજાર ખર્ચ વધી જશે
સ્કૂલમાં ફીની સાથે સ્ટેશનરીનો ખર્ચ વધ્યો. 2 સંતાન માટે ગત વર્ષે 3 હજાર ખર્ચ થયો હતો, હવે 2 હજાર વધુ થશે. - હર્ષીલ પરીખ, વાલી

સરકાર ભાવ કાબૂમાં રાખે
​​​​​​​ નોટબુક-સ્ટેશનરીનો ખર્ચ વધતાં વાલીઓની હાલત કફોડી બનશે. સરકારે ભાવ કાબૂમાં રાખવા જોઇએ. - કિશોર પીલ્લાઇ, પ્રમુખ, વીપીએ​​​​​​

અન્ય સમાચારો પણ છે...