આ ટ્રાફિકજામ કોઈનો જીવ લેશે!:વડોદરામાં નેશનલ હાઇવે પર રોજ 2 કિમી લાંબો ટ્રાફિકજામ થાય છે, એમ્બ્યુલન્સ અડધો કલાક ફસાઈ જતા દર્દીનો જીવ જોખમમાં મૂકાયો

વડોદરા17 દિવસ પહેલા
  • જાંબુવા બ્રિજ પાસે હાઈવે પર ખાડા પડી જતા હાઈવે પર ટ્રાફિકજામ
  • છેલ્લા 20 દિવસથી રોજ 4થી 5 કલાક ટ્રાફિકજામ થતાં વાહન ચાલકો પરેશાન

વડોદરા શહેર નજીકથી પસાર થતાં નેશનલ હાઇવે પર જાંબુવા બ્રિજ પર છેલ્લા 20 દિવસથી રોજ 2 કિ.મી. લાંબો ટ્રાફિકજામ થાય છે. જાંબુવા બ્રિજથી આગળ આવેલા જાંબુવા નદી પરના બ્રિજ પર ખાડા પડી જતા હેવી વાહનો ધીમા ચાલતા હોવાથી અહીં ટ્રાફિકજામની સ્થિતિ જોવા મળે છે. આજે હાઈવે પરના ટ્રાફિકજામમાં દર્દીને લઈને જઈ રહેલી એક એમ્બ્યુલન્સ અડધો કલાક સુધી ફસાઈ ગઈ હતી. જેના કારણે દર્દીઓના સગાઓના શ્વાસ અદ્ધર થઈ ગયા હતા. છેલ્લા 20 દિવસથી ટ્રાફિકજામ થતો હોવા છતાં તંત્ર દ્વારા કોઈ કાર્યવાહી કરવામાં આવી નથી.

રોજ સવારે 4થી 5 કલાક સુધી ટ્રાફિકજામ થાય છે
વડોદરા પાસે નેશનલ હાઇવે પર રોજ 2 કિ.મી. લાંબો ટ્રાફિકજામ થાય છે અને ક્યારેક તો તેનાથી પણ વધારે જાંબુવા બ્રિજથી તરસાલી બ્રિજ સુધી ટ્રાફિકજામ થઈ જાય છે. રોજ સવારે 8 વાગ્યાથી લઈને બપોરે 1 વાગ્યા સુધી જાંબુવા બ્રિજ પાસે ટ્રાફિકજામ જોવા મળે છે. પીક અવરમાં રોજ ટ્રાફિકજામ થતો હોવા છતાં તંત્ર દ્વારા હાઇવે પર પડેલા ખાડા રિપેર કરવાની કોઈ કાર્યવાહી કરવામાં આવી નથી. જેના કારણે વાહન ચાલકો રોજ પરેશાન થાય છે અને ટ્રાફિકજામમાં અટવાઈ જાય છે. કોઈને હોસ્પિટલ તો કોઈને મહત્વનું કામ હોવાથી લોકો નીકળતા હોય છે, પરંતુ ટ્રાફિકજામના કારણે કોઈ સમયસર પહોંચી શકતુ નથી.

જાંબુવા બ્રિજ પર ટ્રાફિકજામમાં એમ્બ્યુલન્સ ફસાઈ ગઈ હતી.
જાંબુવા બ્રિજ પર ટ્રાફિકજામમાં એમ્બ્યુલન્સ ફસાઈ ગઈ હતી.

ટ્રાફિકજામથી સ્થાનિકો પરેશાન
જાંબુવા બ્રિજની બાજુમાં જ સોસાયટીઓને સ્કૂલો આવેલી છે. જેથી સોસાયટીઓના રહીશો સોસાયટીની બહાર નીકળી શકતા નથી અને નીકળે તો ટ્રાફિકજામમાં અટવાઈ જાય છે. આ ઉપરાંત બાળકોને સ્કૂલે પહોંચવામાં પણ મોડુ થઈ જાય છે. જાંબુવા બ્રિજ પાસે આવેલી આર્યન રેસિડેન્સીના રહીશો તો ટ્રાફિકજામની સમસ્યથી ખુબ જ ત્રસ્ત થઈ ગયા છે અને તંત્ર દ્વારા રોડની કામગીરી કરીને આ સમસ્યા દૂર કરવામાં આવે તેમ ઇચ્છી રહ્યા છે.

રોજ સવારે જાંબુવા બ્રિજ પર ટ્રાફિકજામ થાય છે.
રોજ સવારે જાંબુવા બ્રિજ પર ટ્રાફિકજામ થાય છે.

રોજ એમ્બ્યુલન્સો ટ્રાફિકજામમાં ફસાય છે
જાંબુવા બ્રિજ પાસે નેશનલ હાઇવે નં-48 પર રોજ ટ્રાફિકજામ થતાં રોજેરોજ ક્રિટીકલ દર્દીઓને લઈને જતી એમ્બ્યુલન્સ ટ્રાફિકજામમાં ફસાઈ જાય છે. આજે સવારે પણ જાંબુવા બ્રિજ પરથી પસાર થઈ રહેલી એક એમ્બ્યુલન્સ અડધો કલાક સુધી બ્રિજ પર ફસાઈ ગઈ હતી. જેના કારણે દર્દીના પરિવારજનોના જીવ અદ્ધર થઈ ગયા હતા.

આર્યન રેસિડેન્સીના રહીશ રોજ સવારે ટ્રાફિક પોલીસ સાથે ટ્રાફિક નિયમન કરાવે છે, જેથી સર્વિસ રોડ પર ટ્રાફિકજામ ન થાય.
આર્યન રેસિડેન્સીના રહીશ રોજ સવારે ટ્રાફિક પોલીસ સાથે ટ્રાફિક નિયમન કરાવે છે, જેથી સર્વિસ રોડ પર ટ્રાફિકજામ ન થાય.
છેલ્લા 20 દિવસથી રોજ 4થી 5 કલાક ટ્રાફિકજામ થતાં વાહન ચાલકો પરેશાન થઈ ગયા છે.
છેલ્લા 20 દિવસથી રોજ 4થી 5 કલાક ટ્રાફિકજામ થતાં વાહન ચાલકો પરેશાન થઈ ગયા છે.
જાંબુવા બ્રિજ પાસે રોડ પર ખાડા પડી જતા હાઈવે પર ટ્રાફિકજામ થાય છે.
જાંબુવા બ્રિજ પાસે રોડ પર ખાડા પડી જતા હાઈવે પર ટ્રાફિકજામ થાય છે.
અન્ય સમાચારો પણ છે...