તૈયારી:147 હોસ્પિટલના સ્ટાફને આગ ઓલવવાની ટ્રેનિંગ

શહેરના કોવિડ સેન્ટર તરીકે કાર્યરત હોસ્પિટલના કર્મચારીઓને ફરી ટ્રેનિંગ આપવાની મ્યુનિસિપલ કમિશ્નરે આદેશ કરતાં વડોદરા ફાયર બ્રિગેડ દોડતુ થયું છે. માત્ર એક વખત ટ્રેનિંગ આપી સંતોષ માનનાર ફાયર બ્રિગેડ દ્વારા ફરી બે દિવસથી ફાયરબ્રિગેડના કર્મચારીઓને હોસ્પિટલમાં મોકલી હોસ્પિટલ સ્ટાફ ને આગને પ્રાથમિક તબક્કે ઓલવવાની ટ્રેનિંગ આપવાની કાર્યવાહી હાથ ધરાઇ છે. વડોદરા ફાયર બ્રિગેડના ચીફ ફાયર ઓફિસર પાર્થ ભટ્ટે જણાવ્યું હતું કે શહેરના 147 દવાખાનાઓ ને સાત દિવસમાં ટ્રેનિંગ કાર્યક્રમ પૂરો કરાશે ત્યારબાદ તમામ દવાખાના ટ્રેન થયેલા સ્ટાફ માટે એક મેગા ઇવેન્ટ સમાન પ્રેક્ટીકલ ટ્રેનિંગ પણ યોજવામાં આવશે. જોકે મ્યુનિસિપલ કમિશનર દ્વારા ફાયર સર્વેના રિપોર્ટમાં દર્શાવેલ દવાખાનાઓ ની ઉણપને બે દિવસમાં પૂર્તતા કરવાની વાત અંગે ફાયર ઓફિસરે એનઓસી માત્ર કાગળિયાની પ્રક્રિયા હોવાનું જણાવ્યું હતું બાકી તમામ દવાખાનાઓ પાસે આગ ઓલવવાના સાધન હોવાનો સંતોષ વ્યક્ત કર્યો હતો.