કાર્યવાહી:માસ્ક વગરના 1115 લોકોને 11.14 લાખ દંડ

શહેરમાં કોરોના સંક્રમણને રોકવા માટે માસ્ક વગરના લોકો પાસેથી દંડ વસૂલવામાં આવી રહ્યો છે. શુક્રવારે પોલીસે માસ્ક વગર બજારમાં ખરીદી કરવા જતા તથા રસ્તા પર ફરતા વાહન ચાલકો સામે તવાઈ કરીને દંડ વસૂલ્યો હતો.

માસ્ક વગર નીકળેલા વધુ 1115 લોકોને ઝડપી તેમની પાસેથી રૂા.11,14,200નો દંડ વસૂલ કરાયો હતો. જ્યારે શુક્રવારે રાત્રી કર્ફ્યૂ દરમિયાન રખડવા નીકળેલા 7 લોકો સામે જાહેરનામા ભંગના 6 ગુના નોંધી તેમની અટકાયત કરી હતી.