અકસ્માત:દિવાળીની રાત્રે ફટાકડાથી આગ લાગવાના 11 બનાવ

દિવાળીની રાત્રે ફટાકડા ફોડવાને પગલે શહેરમાં વિવિધ સ્થળે આગના 11 બનાવો નોંધાયા હતા. જેને પગલે વડોદરા ફાયરબ્રિગેડ દોડતું થયું હતું. એક બાઇક સહિત 3 મકાનમાં આગને પગલે લોકોની દિવાળી બગડી હતી. જોકે આ આગમાં કોઈ જાનહાનિ થઇ નહોતી.

ફાયરબ્રિગેડ દ્વારા જાણવા મળ્યા મુજબ ગોરવા પંચવટી સોસાયટી સી-48 નંબરના મકાનમાં રાત્રે 9 વાગ્યાના સુમારે આગ લાગી હતી. ત્યારબાદ બંસલ મોલની બાજુમાં સહજાનંદ ફ્લેટમાં અને તરસાલી મંગલા ગ્રીન ફ્લેટમાં આગ લાગવાના બનાવો નોંધાયા હતા. જો કે સદનસીબે કોઇ જાનહાનિ થઇ ન હતી.