કયા વોર્ડના ઉમેદવારની કેટલી સંપત્તિ?:ભાજપના ઉમેદવાર રાજેશ પ્રજાપતિ અને તેમની પત્નીના નામે 104 કરોડ, કોંગ્રેસના ભથ્થુની 16 કરોડની મિલકતો

છેલ્લા બે દિવસ દરમિયાન કુલ 66 ઉમેદવારીપત્રો ભરાયા હતા. શુક્રવારે ભાજપના 27 ઉમેદવારો અને કોંગ્રેસના 10 ઉમેદવારોએ ફોર્મ ભર્યા હતા. ઉમેદવારોએ ફોર્મ સાથે રજૂ કરેલા સોગંદનામા મુજબ, વોર્ડ 8ના ભાજપના ઉમેદવાર રાજેશ દલસુખભાઇ પ્રજાપતિ અને તેમની પત્નીના નામે 104 કરોડની મિલકતો દર્શાવાઈ હતી, જયારે વોર્ડ 3ના ભાજપના ઉમેદવાર પરાક્રમસિંહ જાડેજાએ પોતાની અને આશ્રિતોની 26.50 કરોડની મિલકત બતાવી છે.