શિક્ષણ:MSUની 6 ફેકલ્ટીમાં 1000 બેઠકો વધારાશે, ઓક્ટોબરમાં સત્તાધીશોએ માહિતી માગી હતી, માત્ર 6 ફેકલ્ટીએ જ બેઠક અંગે માહિતી મોકલાવી

મ.સ.યુનિ. 6 ફેકલ્ટીમાં 1000 બેઠકમાં વધારો કરી શકાય તેમ હોવાનો રિપોર્ટ ફેકલ્ટી દ્વારા અપાયો છે. ઓક્ટોબરમાં સત્તાધીશોએ માહિતી માગી હતી પણ 6 ફેકલ્ટી માહિતી મોકલાવી હતી. 30 ડિસેમ્બરે સિન્ડિકેટની બેઠકમાં આ માહિતી સભ્યો સમક્ષ રજૂ કરાશે. મ.સ. યુનિ.માં વિદ્યાર્થીઓની સંખ્યા વધતી જાય છે, જેને કારણે પ્રવેશની સમસ્યા સર્જાય છે. જેથી ઓક્ટોબરમાં સત્તાધીશો દ્વારા તમામ ફેકલ્ટી પાસેથી કેટલી બેઠકો વધારી શકાય તેની માહિતી માગી હતી. જે સંદર્ભે આર્ટ્સ, હોમ સાયન્સ,લો, સોશિયલ વર્ક, સાયન્સ ફેકલ્ટીએ બેઠકો અંગે માહિતી આપી છે. જ્યારે કોમર્સ ફેકલ્ટીએ બેઠકો વધારાઈ છે, પરંતુ સત્તાવાર માહિતી આપી નથી.

જર્નાલિઝમ, પરફોર્મિંગ આર્ટસ, ફાઈન આર્ટસ, એજ્યુ. સાઇકોલોજી ફેકલ્ટીએ માહિતી આપી નથી. ટેકનોલોજી, મેનેજમેન્ટ ફાર્મસી મેડિસિન ફેકલ્ટી અને પોલિટેકનિક કોલેજની પ્રવેશ પ્રક્રિયા સરકાર હાથ ધરતી હોવાથી પોતાના સ્તરે બેઠક વધારી શકાય તેમ નથી. જેથી આ ફેકલ્ટીએ માહિતી આપી નથી.

કઈ ફેકલ્ટીમાં કેટલી બેઠકો
આર્ટ્સ 124
હોમ સાયન્સ 27
લો 10
સોશિયલ વર્ક 70
સાયન્સ ફેકલ્ટી 170
કોમર્સ 600