લોકડાઉન:તણખલા મોડલ સ્કૂલનું કામ કરતા શ્રમિકો મધ રાત્રે પગપાળા છત્તીસગઢ જવા રવાના

નસવાડી તાલુકાના તણખલા ગામે કરોડોના ખર્ચે મોડલ સ્કૂલનું કામ ચાલુ હતું. જે મોડલ સ્કૂલનું કામ સુરતના કોન્ટ્રાક્ટર હેઠળ કરાતું હતું. જે કામ લોકડાઉન થતા બંધ થયું હતું. જેને લઈ મોડલ સ્કૂલનું કામ કરતા શ્રમિકો ફસાઈ ગયા હતા. કોન્ટ્રાક્ટરને અનેક વાર રજૂઆત કરી તો લોકડાઉન ખુલશે કહી આશ્વાસન અપાયું હતું. પેટ માટે મજુરી કરવા આવેલ શ્રમિકો બેસી રહ્યા હતા. આખરે 50 દીવસ બાદ લોકડાઉનના ખુલતા અને કોન્ટ્રાક્ટરને શ્રમિકો દ્વારા તેમના વતન પોહચડવા વાત કરતા ધ્યાન ન અપાતા તણખલાથી શ્રમિકો મધરાત્રે પગપાળા નસવાડી આવી પોહચ્યા હતા અને પગપાળા જ છતીસગઢ જવા માટે રવાના થયા હતા. શ્રમિકોએ 50 દિવસની આપવીતી જણાવી આંખો ભીની કરી હતી. કોન્ટ્રાક્ટરને કરોડો રૂપિયાના કામ આ શ્રમિકો કરી આપી પેટિયું રડતા હોય છે.