સ્થળાંતર:કંડારી સ્થિત ગોચરની વસાહતમાં પાણી ઘૂસતાં 60 લોકોનું સ્થળાંતર

કરજણ3 મહિનો પહેલા
  • કૉપી લિંક
  • પાણીની સપાટી વધતાં પશુઓને પણ સલામત સ્થળે ખસેડાયાં
  • બુધવારે દિવસ દરમિયાન વરસાદ ન થતાં તંત્રે હાશકારો અનુભવ્યો

કરજણ તાલુકામાં મંગળવારના રોજ પડેલા અવિરત વરસાદને લઈને કરજણ નગર તેમજ તાલુકામાં ઠેર-ઠેર પાણી ભરાઇ જવા પામ્યા હતા. જેને લઈને કંડારી નેશનલ હાઇવે-48ની બાજુમાં ગોચરની વસાહતમાં વરસાદી પાણી ઘૂસી જવાથી ત્યાંથી મોડી રાત્રે 60 લોકોના સ્થળાંતર કરાવવામાં આવ્યું હતું. સાથે સાથે તેઓના પશુઓનું સ્થળાંતર કરવામાં આવ્યું હતું. આમ ઝૂંપડપટ્ટીમાં પાણી ઘૂસી જવાથી ગોચર વસાહતના રહીશોનું સ્થળાંતર કરાયું હતું.

મંગળવારના રોજ કરજણ પંથકમાં મુશળધાર વરસાદને લઈને કરજણ તાલુકાના નગરમાં ઠેર-ઠેર પાણી ભરાઇ જવા પામ્યા હતા. જેને લઈને કંડારી ગામ ખાતે નેશનલ હાઇવે-48ની બાજુમાં આવેલી ગોચર વસાહતમાં મોડી રાત્રે પાણી ઘૂસી જવાથી લોકોનું સ્થળાંતર કરવામાં આવ્યું હતું અને પાણીની સપાટી વધવાથી પશુઓને સલામત સ્થળે ખસેડવામાં આવ્યા હતા. આમ તેઓને રહેવાની અને જમવાની વ્યવસ્થા પણ કરવામાં આવી હતી. આમ મોડી રાત્રે લોકોનું સ્થળાંતર કરવાની ફરજ પડી હતી. જ્યારે બુધવારના રોજ દિવસ દરમિયાન વરસાદ ન વરસતાં તંત્રએ હાશકારો અનુભવ્યો હતો.

અન્ય સમાચારો પણ છે...