ખરીદી:સીસીઆઈ દ્વારા ખેડૂતોનું તમામ કપાસ ખરીદવાની બાંહેધરી અપાઈ

કરજણ તાલુકામાં અને વડોદરા જિલ્લામાં હાલમાં ખેડૂતો કપાસ આવી ગયો છે. ત્યારે સીસીઆઇ દ્વારા ટેકાના ભાવથી કપાસની ખરીદી કરવામાં આવી રહી છે. આમ કરજણ ખાતે ગામ પ્રમાણે સી.સી.આઇ દ્વારા ખરીદી કરવામાં આવી રહી છે. જ્યારે સી.સી.આઇના અધિકારી દ્વારા કરજણ બજાર સમિતિના ચેરમેનને તાલુકાના તેમજ તાલુકા આજુબાજુના તાલુકાના તમામ ખેડુતોને કપાસ ખરીદવાની લેખિતમાં બાંહેધરી આપી હતી.
આજુબાજુના તાલુકાના ખેડૂતોના કપાસની ખરીદી પણ કરવામાં આવશે
કોરોના વાઇરસના કહેર વચ્ચે કપાસની ખરીદી થઇ રહી છે. જેમાં બજાર સમિતિ દ્વારા ગામડાઓમાં જઇને ખેડૂતોનો કપાસની ચકાસણી કરીને બજાર સમિતિ દ્વારા આપવામાં આવતી પાવતી પ્રમાણે ખેડૂતે સીસીઆઇમાં ગામનો જ્યારે વારો આવે ત્યારે કપાસ નાખવા જવાનું હોય છે. કરજણ બજાર સમિતિના ચેરમેન સતિષભાઈ પટેલ સાથે સી.સી.આઇના અધિકારી ડી. ડી. સોલંકી સાથે થયેલી ચર્ચા મુજબ કરજણ તાલુકાના એક પણ ખેડૂતો કપાસ બાકી નહિ રહે અને તમામ ખેડૂતોના કપાસની ખરીદી સીસીઆઇ દ્વારા કરવામાં આવશે. તેમજ આજુબાજુના તાલુકાના ખેડૂતોના કપાસની ખરીદી પણ કરવામાં આવશે.