ધરપકડ:કરજણ ટોલનાકા પાસેથી બકરા ચોર ગેંગના 4 ઈસમ ઝડપાયા

કરજણ22 દિવસ પહેલા
  • કૉપી લિંક
  • સુરતથી બે બકરીઓ ચોરીને નડિયાદ તરફ જઈ રહ્યા હતા

વડોદરા જિલ્લા એલસીબી પોલીસને મળેલી બાતમીના આધારે જિલ્લા એલસીબી પોલીસની ટીમ કરજણ ટોલનાકા પાસે વોચમાં હતી. ત્યારે બાતમી આધારીત i20 કાર આવતાં તેને થોભાવીને તપાસ કરતા i20 કારમાં ચાર ઈસમો બેઠા હતા અને કારની પાછળના ભાગે બે બકરી પૂરેલી હતી. પોલીસે બકરી બાબતે પૂછપરછ કરતા ચારે ઇસમોએ પોલીસે જણાવ્યું હતું કે સુરત શહેરમાંથી બે બકરીઓ ચોરી હતી અને નડિયાદ તરફ જતા હતા. પોલીસે ચારેય શખ્સોની ધરપકડ કરીને પોલીસ સ્ટેશન લાવી ફરીયાદ નોધાવી કાયદેસરની કાર્યવાહી હાથ ધરી છે.

વડોદરા જિલ્લા એલસીબી પોલીસને મળેલી બાતમીના આધારે એલસીબી પોલીસની ટીમ કરજણ નેશનલ હાઇવે 48 પર આવેલી ભરથાણા ટોલ નાકે વોચમાં હતા. ત્યારે બાતમી આધારીત i20 કાર નંબર જી જે 5 જે એમ 6676 આવતાં તેને રોકીને કારમાં બેસેલ ડ્રાઇવર સહિત ચાર ઇસમોને નીચે ઉતારીને i20 કારમાં તપાસ કરતાં પાછળની સીટ નીચે બે બકરા ભરેલા હતા.

i20 કારનો ડ્રાયવર હસમુખભાઈ સુરેશભાઈ જાની રહે દિવાળીપુરા તા. જિ. વડોદરા, અજયભાઈ મફતભાઈ તળપદા નડિયાદ, પ્રતિકભાઇ ડાયાભાઈ સોલંકી રહે નડિયાદ, અજયભાઈ વિઠ્ઠલભાઈ તળપદા રહે. નડિયાદના ઓડી ગાડીમાં ભરેલા બકરા બાબતે પૂછપરછ કરતા ચારે યુવાનોએ બકરા બાબતે કોઈ યોગ્ય જવાબ ન આપતા પોલીસે કડકાઇથી પૂછપરછ કરતા તેઓએ જણાવ્યું હતું કે સુરત શહેર માંથી બે બકરા ચોરીને નડિયાદ લઇ જવાતા હતા. પોલીસે બે બકરા સહિત i20 કાર આમ કુલ મળીને 3,28,500ના મુદ્દામાલ સાથે કરજણ પોલીસ સ્ટેશન ફરિયાદ નોંધાવી કાયદેસરની કાર્યવાહી હાથ ધરી છે.

અન્ય સમાચારો પણ છે...