સ્થાનિક સ્વરાજની ચૂંટણી:જિલ્લા પંચાયત અને તાલુકા પંચાયતની ચૂંટણી પ્રક્રિયામાં 1200 કર્મચારી જોડાશે

તાલુકા પંચાયત-જિલ્લા પંચાયતની ચૂંટણી 28 ફેબ્રુઆરીએ યોજવાની છે. જેને લઈને કરજણ પ્રાંત અને મામલતદાર દ્વારા ચૂંટણી પ્રક્રિયાને લઈને શનિવારે કરજણ આઈટીઆઈ ખાતે પ્રિસાઇડિંગ અને આસિસ્ટન્ટ પ્રિસાઇડિંગની મીટિંગ બે તબક્કામાં સોશિયલ ડિસ્ટન્સ સાથે યોજાઈ હતી. જેમાં EVM મશીન વિશે સમજ આપવામાં આવી હતી. આમ કરજણ તાલુકાના પંચાયતની 20 બેઠકો અને જિલ્લા પંચાયતની 4 બેઠકોના 140 મતદાન મથકો પર 1200 કર્મચારીઓ દ્વારા ચૂંટણી પ્રક્રિયા હાથ ધરવામાં આવશે.

કરજણ પ્રાંત અને મામલતદાર દ્વારા જિલ્લા પંચાયત અને તાલુકા પંચાયતની સામાન્ય ચૂંટણીને લઈને શનિવારે બે તબક્કામાં પ્રિસાઇડિંગ અને આસિસ્ટન્ટ પ્રિસાઇડિંગની મીટિંગ કરજણ આઈટીઆઈમાં રાખવામાં આવી હતી.

કરજણ તાલુકાની 20 બેઠકો અને જિલ્લા પંચાયતની 4 બેઠકો પર 140 મતદાન મથકો પર મતદાન યોજાશે. જેમાં 39 સંવેદનશીલ મતદાન મથકો આવેલ છે અને 27 અતિસંવેદનશીલ મતદાન મથકો આવેલા છે. જ્યાં પૂરતી સુરક્ષા ગોઠવવામાં આવશે. જ્યારે તાલુકા પંચાયત-જિલ્લા પંચાયતની ચૂંટણીમાં 1200 કર્મચારીઓ ચૂંટણી પ્રક્રિયામાં જોડાશે. જ્યારે પ્રિસાઇડિંગ અને આસિસ્ટન્ટ પ્રિસાઇડિંગ ઓફિસરોને તબક્કાવાર સોશિયલ ડિસ્ટન્સ વચ્યે EVMની પ્રેક્ટિકલ અને થિયરીકલ ટ્રેનિંગ આપવામાં આવી હતી.