ફરિયાદ:પીપળીયાનો શ્રમજીવી ત્રણ દિવસથી ગુમ થતાં ફરિયાદ

ડેસર તાલુકાના પીપળીયા ખાતે રહેતા શ્રમજીવી પરિવારના રમેશભાઇ પરમાર ગઈ તારીખ 3 ફેબ્રુઆરીના રોજ ગામના જગદીશભાઈ પરમારના ટ્રેક્ટરમાં નદી કિનારે રેતી ભરવા ગયા હતા. ત્યારથી તેઓ ગુમ થતાં પુત્ર મુકેશ પરમારે બે દિવસ સતત તપાસ કરી હતી.

રેતી ભરવા લઇ ગયેલ જગદીશ પરમારને પૂછતાં તેણે જણાવ્યું કે અમો બધા રેતી ભરતા હતા તે દરમિયાન રમેશભાઇ પરમાર નદીમાં તરીને સામે પાર ગયા હતા. ત્યારબાદ અમોએ જોયા નથી નદી, કોતર, સગાવહાલાઓમાં તપાસ કરાવી છતાં ક્યાંય ભાળ ન મળતા આખરે તેમના પુત્રએ ડેસર પોલીસ મથકે જાણવા જોગ ફરિયાદ કરી હતી.