માનવતા:બિનવારસી મળેેલી બાળકી હાલોલમાં ચિલ્ડ્રન હોમ ફોર ગર્લ્સ ખાતે મુકાઇ

ગત તા.30 એપ્રિલના રોજ દાહોદ રૂરલ પોલીસને બિનવારસી હાલતમાં મળેલ બાળકીને ટૂંકા ગાળા માટે સખી વન સ્ટોપ સેન્ટર ખાતે મુકવામાં આવી હતી. બાળકીનું ચેરમેન દ્વારા વીડિયોકોંફ્રેન્સ તેમજ રૂબરૂ કાઉન્સિલીંગ કરવામાં આવ્યુ હતું. બાળકીની માતા પણ મળી ગઇ હતી પરંતુ માતાના આધાર પુરાવા ચકાસતા જાણવા મળ્યુ હતું કે, તેઓ મધ્ય પ્રદેશના રતલામ ના મૂળ રહેવાસી છે પરંતુ બાળકી ના કોઈપણ પ્રકારના આધાર પુરાવા ના મળતા તેમજ બાળકી માતા સાથે જવા માટે ના પાડી હતી. માતા પણ હાલ બાળકીને લઇ જવાની ના પાડતા ચેરેમન નરેન્દ્રભાઈ સોની દ્વારા બાળકીને હાલોલ ખાતે આવેલ ચિલ્ડ્રન હોમ ફોર ગર્લ્સ ,પ્રતાપ પુરા હાલોલ ખાતે બાળકીનું બુધવારે પુનઃસ્થાપન કરવામાં આવ્યું.