કોરોના ઇફેક્ટ:દાહોદ પાલિકામાં સ્વદેશી ઢબનું ટચ ફ્રી હેન્ડ સેનિટાઇઝિંગ મશીન મુકાયું

દાહોદ નગર પાલિકા દ્વારા કોરોના સામે નગરજનોને સંરક્ષણ મળી રહે તેવા આશયે પાલિકા ઓફિસ ખાતે ટચ ફ્રી હેન્ડ સેનિટાઇઝિંગ મશીન મુકવામાં આવ્યું છે. પાલિકા પ્રમુખ અભિષેક મેડા, ઉપપ્રમુખ પ્રશાંત દેસાઈ, કારોબારી ચેરમેન વિનોદ રાજગોર સહિતના અગ્રણીઓની ઉપસ્થિતિમાં પાલિકા ખાતે આવતા સહુ કોઈ સેનિટાઇઝરથી કોરોના સામે રક્ષણ મેળવી શકે તેવા આશયે સ્પર્શ્યા વિના માત્ર પગ વડે જ મશીનને દબાવીને હાથને સેનિટાઝિંગ કરી શકાય છે. દાહોદના જ યુવાન અભિષેક શેઠ દ્વારા નવતર પ્રકારે બનાવાયેલ આ નખશીખ દેશી મશીન પાલિકા ખાતે ગોઠવાતા સહુકોઈએ પાલિકાના આ ઉમદા અભિગમને આવકાર્યો હતો.