અકસ્માત:બાઇક સ્લીપ થતાં માથામાં ઇજા પહોંચતા યુવકનું મોત

પાટીયાઝોલનો મુકેશ બીલવાળ તેના બનેવીની મોટર સાયકલ લઇને સવારના દસ વાગ્યાના અરસામાં દાહોદ સરકારી હોસ્પિટલમાં તેના પિતા નારસીંગભાઇ પશવાભાઇ બીલવાળ દાખલ હોઇ જમવાનું આપવા માટે ગયો હતો. ત્યારે દાહોદ ગરબાડા રોડ ઉપર વળાકમાં બાઇક ઉપરનો કાબુ ગુમાવી દેતાં મુકેશની બાઇક પથ્થર સાથે અથડાઇ રોડની સાઇડમાં ગટરમાં પડ્યો હતો. જેમાં માથામાં ગંભીર ઇજાઓ થવાના કારણે તેનું ઘટના સ્થળે મોત નિપજ્યું હતું. આ સંદર્ભે મગનભાઇ બીલવાળે ગરબાડા પોલીસ મથકે જાણ કરતા પોલીસે કાર્યવાહી હાથ ધરી છે.