તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

વેક્સિનેશન માટે પ્રચાર:ડભોઇમાં આરોગ્ય વિભાગ દ્વારા રસીકરણ જનજાગૃતિ અર્થે રેલી

ડભોઇ3 મહિનો પહેલા
  • કૉપી લિંક
ડભોઈ તાલુકા આરોગ્ય વિભાગ દ્વારા કોવિડ રસીકરણ અર્થે નગરમાં જનજાગૃતિ રેલી યોજાઈ હતી. - Divya Bhaskar
ડભોઈ તાલુકા આરોગ્ય વિભાગ દ્વારા કોવિડ રસીકરણ અર્થે નગરમાં જનજાગૃતિ રેલી યોજાઈ હતી.
  • રેલી યોજી લોકોમાં વેક્સિનેશન માટે પ્રચાર કરાયો

ડભોઇ આરોગ્ય વિભાગ દ્વારા તાલુકા આરોગ્ય અધિકારી ડો. ગુડીયારાણીસિંહાના માર્ગદર્શન હેઠળ ડભોઇ નગરના રાજમાર્ગો પર કોવિડ વેક્સિનેશન જનજાગૃતિ રેલી યોજાઇ હતી. જેમાં આરોગ્ય વિભાગના કર્મચારીઓ, પોલીસ કર્મીઓ, સામાજીક અગ્રણીઓ, જિલ્લા શિક્ષણ સમિતિના ચેરમેન, ડભોઇ શહેર ભાજપા પ્રમુખ, પાલિકાના ચીફ ઓફીસર, કારોબારી ચેરમેન, સહિતના અગ્રણીઓએ રેલીમાં ભાગ લઈ જનજાગૃતિ માટે પ્રસાર કામગીરી કરી વેપારીઓ, ગ્રાહકો અને રાહદારીઓમા આકર્ષણ જમાવ્યુ હતુ.

ડભોઇ તાલુકા આરોગ્ય અધિકારી ડો.ગુડીયારાણીસિંહાના નેજા હેઠળ નગરના હાર્દસમા ટાવર વિસ્તારમાંથી કોવિડ વેક્સિનેશનની જનજાગૃતિ અર્થે આરોગ્ય વિભાગના તબીબો, કર્મચારીઓ, નર્શીંગ સ્ટાફ અને રાજકીય અગ્રણીઓની હાજરીમા રેલી યોજી વેક્સિનેશન માટે પ્રચાર પ્રસાર કરાયો હતો. લાઉડ સ્પીકર પર દ્વારા રસિકરણ માટે વેપારીઓ અને ભરચક બજારમા ગ્રાહકો અને ટ્રાફીકથી ધમધમતા મુખ્યબજારમા લોકોનુ ધ્યાન આકર્ષણ કરાયુ હતુ.

જિલ્લા શિક્ષણ સમિતિના ચેરમેન અશ્વિનભાઇ પટેલ, ડભોઇ શહેર ભાજપા પ્રમુખ ડો.સંદિપ શાહ, પાલિકા ચીફ ઓફીસર એસ.કે.ગરવાલ, કારોબારી ચેરમેન વિશાલકુમાર શાહ, કાલીભાઇ દુલાણી સહિતના રાજકીય અગ્રણીઓ સહીત અર્બન હેલ્થ સેન્ટરના ડો. હરીશ યાદવ, ડો.ધારા, ડો.વિરાજ તેમજ તાલુકા હેલ્થ સુપરવાઇઝર મનહરભાઇ પટેલ અને અર્બનના સુપર વાઇઝર સંજયભાઇ બારીયા સહિતના આરોગ્ય કર્મીઓ રેલીમા જોડાયા હતા. આમ ડભોઇ નગરમા આરોગ્ય વિભાગની જનજાગૃતિ રેલીએ લોકોમા રસીકરણનો સફળ પ્રચાર કર્યો હતો.

ડભોઈ તાલુકામાં ત્રણ જ દિવસમાં 5000થી વધુ લોકો દ્વારા રસીકરણ કરાવાયું
ડભોઇમા તાલુકા આરોગ્ય વિભાગ દ્વારા શરૂ કરાયેલ 10 દિવસના કોવિડ વેક્સિનેશન મહાઅભિયાનના ત્રણ જ દિવસમા 5000થી વધુ લોકોએ રસીકરણ કરાવ્યુ છે. ત્યારે માત્ર ત્રણ જ દિવસમા ડભોઇ શહેર તાલુકાના 12 કેન્દ્રો પર એકસાથે શરૂ કરાયેલ કોવિડ રસીકરણ મહાઅભિયાન પ્રચાર પ્રસારના જોરે વેગવંતુ બનતા આરોગ્ય અધિકારી ડૉ. ગુડીયારાણીસિંહાએ રસીકરણને આંશિક સફળ બનાવવા બીડુ ઝડપ્યુ હોય ચોક્ક્સ આયોજન અને લગણથી દિશા સુચક મહેનત કરતા કામગીરી પ્રસંશા પાત્ર બનવા પામી છે.

અન્ય સમાચારો પણ છે...