ધરપકડ:જીયાતલાવડી ગામેથી કારમાં લઈ જવાતા વિદેશી દારૂ સાથે બે ઝડપાયા

હાલ ચૂંટણીનો માહોલ ચાલતો હોય ડભોઇ તાલુકાના કાયાવરોહણ માર્ગ પર જિલ્લા LCB પ્રોહીની કામગીરીમા હતી. ત્યારે બાતમી મળી કે છોટાઉદેપુર તરફથી જથ્થો ભરીને જીયાતલાવડીમા આવવાની છે. જ્યાથી નાનાહબીપુરા તરફે જતા માર્ગ પર સરકારી કુવા પાસે દારૂનો જથ્થો ખાલી કરવાની હોવાની બાતમી આધારે વોચ ગોઠવતા જીયાતલાવડીની સિમમાથી કાર સાથે બે ઇસમો ઝડપાયા હતા.

જેઓના નામઠામ પુછતા પારસીંગ ઉદલીયા રાઠવા રહે. રંગપુર તા.જિ.છોટાઉદેપુર તેમજ કરણસિહ રામસિહ સોલંકી રહે. જીયાતલાવડીનો હોવાનુ જણાવતા તપાસમાં કારમાંથી વિદેશીદારૂનો જથ્થો મળી આવતા બન્ને વિરુદ્ધ પ્રોહીની કલમ હેઠળ ગુન્હો નોંધી ડભોઇ પોલીસને મુદ્દામાલ સાથે સુપ્રત કર્યા હતા.