તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આદેશ:ડભોઈમાં ગેજ પરિવર્તનની કામગીરીની રેલવે તંત્ર દ્વારા સમીક્ષા કરાઈ

ડભોઈએક વર્ષ પહેલા
  • કૉપી લિંક
  • વરસાદી પાણીના નિકાલના પ્રશ્નોનુ નિવારણ લાવવા તંત્રને સૂચના અપાઈ

ડભોઇ પંથકમાં સ્ટેચ્યુ ઓફ યુનિટીને લઇને રેલ્વેની ગેજ પરિવર્તની ચાલી રહેલી કામગીરીથી વરસાદી પાણીનાં નિકાલનાં અભાવે નગરની સોસાયટીઓ, રોડરસ્તા, ખેતરોમાં ગત ચોમાસામાં ભરાયેલાં પાણીને લઇને રોષ સાથે થયેલી રજુઆતોનાં પગલે ચાલુ સાલે ચોમાસા પુર્વે ડિઝાસ્ટર મેનેજમેન્ટ અતર્ગત રેલ્વેનાં ડે. ચીફ એન્જીનિયર તથા પ્રાન્ત અધિકારીની ટીમે લાઇનની વિઝીટ લઇ પાણી નિકાલની વ્યવસ્થા કરવા તંત્રોને સુચનાઓ આપવામાં આવી.

ડભોઇ નગર ખાતે એશિયાનું પ્રથમ નંબરનું આવેલું નેરોગેજ રેલ્વે મથકની હાલ સ્ટેચ્યુઓફ યુનિટીને લઇને ગેજ પરિવર્તન સાથે કાયાપલટની કામગીરી પુરજોશમાં ચાલી રહી છે. ત્યારે ડભોઇ નગર તથા તાલુકાનાં ગામડાઓમાંથી પસાર થતી લાઇનને કારણે છેલ્લા બે વર્ષથી ચાલી રહેલાં કામકાજને લઇને વરસાદી પાણીનાં નિકાલની મોટી સમસ્યાઓ સર્જાઇ છે. નગરમાં તો આવેલી આશિર્વાદ, આયુસ. કૌમુદી, નગરપાલિકા શોપીંગ સેન્ટર, પંચવટી અક્ષરઉપવન સહીતની તમામ સોસાયટીઓનાં ઘરોમાં પાણી ભરાયાં હતાં. 

રેલ્વેલાઇનની બંન્ને બાજુમાં આવેલાં ખેતરોમાં પણ પાણી નિકાલનાં અભાવે ખેડુતોને ભારે નુકશાન વેઠવાનો વારો આવ્યો હતો. તો વળી નડાવસાહતમાં પણ ભારે હાલકી સર્જાઇ હતી. રહીશો, ખેડુતો દ્વારા વિસ્તારનાં સાંસદ તથા ધારાસભ્યને રજૂઆતો કરતાં રેલ્વેતંત્ર હરકતમાં આવી ગયું છે. આજરોજ ડભોઇ વિભાગનાં પ્રાન્ત અધિકારીને સાથે રાખી રેલ્વેનાં પીડબલ્યુડીનાં ડે. ચીફ એન્જીનિયરે આ તાલુકાની લાઇન પર ડભોઇ, નડાવસાહત તથા આગળની લાઇનો પર મુલાકાત લઇ આવા અસરગ્રસ્તોનાં સવાલો સાંભળી યોગ્ય નિકાલ કરવાનાં લાગતા તંત્રને આદેશો આપી દેવામાં આવ્યા છે.

રહીશોની સાથે ખેડુતોને લગતાં પ્રશ્ર્નો પણ સાંભળી તેઓને પણ નિરાકરણ કરવાની હૈયાધારણ આપી હતી. ગત ચોમાસામાં તો નગરની આ મોટાભાગની સોસાયટીઓ હોય કે પછી ખેતરોમાં પાણી ભરાતાં ખેડુતોને ભોગવવી પડેલી નુકશાનીનો હવે અંત આવે તેવા પ્રયાસો જણાંતાં હાલ તો રેલ્વે તંત્રએ લીધેલાં પગલાંને લઇને સંતોષ છે. પરંતું  જો તેમાં સત્વરે કામકાજ ચાલુ થઇ પુર્ણ નહી થાય ને પાછલા વર્ષનું પુનરાવર્તન થશે તો લોકો આંદોલનનો મુડ બનાવતાં પણ નહી અચકેનું સાંભળવા મળ્યુ છે.

અન્ય સમાચારો પણ છે...