ઘરપકડ:ડભોઇના ઢાલનગર વસાહત પાસેથી દારૂના ગુનામાં ફરાર આરોપી ઝડપાયો

ઢાલનગર વસાહત પાસે વિદેશી દારૂના ગુનામાં ડભોઇ પોલીસના ચોપડે ભાગેડુ આરોપી શંકાસ્પદ હાલતમાં ઉભેલો જણાતા તેને ઝડપી પૂછપરછ કરતા ભાગેડુ આરોપી હોવાનુ ખુલતા ડભોઇ પોલીસને સુપ્રત કરાયો હતો. જિલ્લા એલસીબીના જવાનો ચૂંટણીને લઈ ડભોઇ પાસે ભાગેડુ આરોપીઓને ઝડપી પાડવાની કામગીરીમાં હતી.

ત્યારે ઢાલનગર વસાહતના માર્ગ પર શંકાસ્પદ ઇસમ નજરે પડતા તેની પૂછતાછ કરતા તેનું નામ વિપીન રાયસિંગભાઇ રાઠવા રહે. કાકણપુરા તા.કવાંટ હોવાનું જણાવતા તેમજ ડભોઇ પોલીસના પ્રોહીના ગુનાના કામનો નાસતો ફરતો આરોપી હોવાનું જણાઇ આવતા એલસીબી ટીમે તેને ઝડપી પાડી ડભોઇ પોલીસને સુપ્રત કરતા આગળની કાર્યવાહી હાથ ધરાઇ છે.