સમસ્યા:સંખેડાના મોભિયા ગામમાં છેલ્લા ચાર દિવસથી અંધારપટ

ડભોઈ3 મહિનો પહેલા
  • કૉપી લિંક
  • સંખેડા ઓફિસે રજૂઆત ન સાંભળતાં ગ્રામજનો ડભોઇ વીજ ઓફિસે પહોંચ્યા

સંખેડા તાલુકાના મોભિયા ગામમાં છેલ્લા 15 દિવસથી લાઈટો અનિયમિત રહેતી હતી અને છેલ્લા 4 દિવસથી ગામમાં સંપૂર્ણ પણે વીજપ્રવાહ બંધ હોવાથી ગ્રામજનો મુશ્કેલીમાં મુકાયા છે. જે અંગેની રજૂઆત ગ્રામજનો દ્વારા સંખેડા MGVCLના રાઠવા સાહેબને કરતા તેઓ દ્વારા ઉડાઉ જવાબ આપવાની સાથે ઉદ્ધત વર્તન કરવામાં આવતા ગ્રામજનો રોષે ભરાયા છે. જે બાદ રજૂઆત કરવા ડભોઇમાં આવેલ MGVCL ઓફિસ ખાતે મોભિયા ગામના લોકટોળા ઉમટી પડ્યા હતા. છેલ્લા 4 દિવસથી લાઈટ વગર ગ્રામજનોને ભારે હાલાકી પડી રહી છે.

લાઈટ વગર છેલ્લા 4 દિવસથી ગામમાં પાણી આપવામાં આવ્યું નથી. તેમજ લોકોને ઘર વપરાશના પાણીની અછતના કારણે ખેતી તેમજ અન્ય કામોમાં મુશ્કેલી પડી રહી છે. સાથે જ ચોમાસાની સિઝન ચાલી રહી છે અને ધોધમાર વરસાદ વરસી રહ્યો છે. તેવામાં લાઈટ વગર ગામ લોકોને ઘરમાં કોઈ ઝેરી જીવજંતુ કરડી જાય તેવો ડર સતાવી રહ્યો છે.

જે અંગેની સંખેડા ખાતે રજૂઆત ન સાંભળતા મોટી સંખ્યામાં ગ્રામજનો ડભોઇ ખાતે આવી પહોંચ્યા હતા અને MGVCL વિરુદ્ધ નારેબાજી કરી ઉગ્ર રજૂઆત કરી હતી. સાથે જ સંખેડાના અધિકારી રાઠવા સાહેબ કે જેઓ દ્વારા ઉદ્ધત વર્તન કરી રજૂઆત ન સાંભળી તેઓ વિરુદ્ધ કાર્યવાહી કરવા ડભોઇ MGVCL ઓફિસ ખાતે રજૂઆત કરવામાં આવી હતી.

અન્ય સમાચારો પણ છે...