દુર્ઘટના:ચનવાડા પાસે ટેમ્પો અને હાઇવા વચ્ચે અકસ્માત

ડભોઇ હીરાભાગોળ રાણાવાસના રહીશ તિલકવાડા ખાતે સામાન મૂકવા પોતાનો ટેમ્પો લઈ જતાં હતા. તે અરસામાં ડભોઇ તાલુકાના ચનવાડા નજીક રોંગ સાઈડ ઉપર પૂર ઝડપે આવતા હાઈવાનું ટાયર ફાટતા ચાલકનો સ્ટેરીંગ પરથી કાબૂ જતા ટેમ્પા ને ટક્કર મારતા ટેમ્પા માં સવાર પાંચ લોકોને ગંભીર ઇજા થતાં વડોદરા સારવાર માટે લઈ જવાયા હતા.

ડભોઇ હીરાભાગોળ રહેતા નરેશભાઈ જયંતીભાઈ રાણા પોતાના ગ્રાહકનો સામાન મૂકવા સવારે તિલકવાડા જવા પોતાનો ટેમ્પો લઈ નિકળ્યા હતા. ડભોઇ તાલુકાના ચનવાડા નજીક સામેથી એક રોંગ સાઈડ ઉપર રેતી ભરેલી હાઈવા ટ્રકનો ચાલક પૂર ઝડપે આવી રહ્યો હતો. અચાનક તે હાઈવાનું આગળનું ટાયર ફાટતાં હાઈવા ચાલકનું સ્ટેરિંગ ઉપર કાબૂ જતાં હાઈવા ચાલકે ટેમ્પોને ટક્કર મારતા ટેમ્પો સાથે ગમખ્વાર અકસ્માત સર્જાયો હતો. જેમાં ટેમ્પામાં સવાર નરેશભાઈ રાણા સહિત સામાનના માલીકને માથા, હાથે અને પગે ગંભીર ઇજાઓ થઈ હતી. સમગ્ર બનાવમાં મોટી જાનહાની થઈ ન હતી. જ્યારે ટેમ્પો ચાલકને વધુ ઇજાઓ થતાં તેને વડોદરા સારવાર માટે લઈ જવાયો હતો.