દુર્ઘટના:ડભોઇની નવીનગરીમા ઘાસની ગંજીઓમા રાત્રીના આગ લાગી

ડભોઇ મહુડીભાગોળ બહાર આવેલી જકાતનાકા પાસે નવીનગરી ખુલ્લી જગ્યામા ડાંગરના પરાળનો જથ્થો મુકેલો હતો. ગત મોડી રાત્રીના આકસ્મિક રીતે આગ લાગતા આગની જવાળાઓએ વિકરાળ સ્વરૂપ ધારણ કરવા સાથે આગનુ વિસ્તરણ થતા નવીનગરીના લોકો સહીત રાહદારીઓને બનાવની જાણ થતા દોડધામ મચી જવા પામી હતી. ઘાંસના જથ્થાના માલીક ખેડૂતને પણ બનાવની જાણ થતા સ્થળ પર આવી ફાયર ફાઇટરનો સંપર્ક કરતા પાલિકાના લાયબંબા આવી આગ પર પાણીનો મારો ચલાવાયો હતો.ડભોઇના મહુડીભાગોળ બહાર આવેલ નવીનગરીમા ખુલ્લી જગ્યામાં વસઇની સિમમા ખેતી કરતા ડભોઇના ખેડૂત મોહસીન જમાલભાઇ ખીડકીવાલાએ ડાંગરના ઘાંસના પરાળની 2200 ઘાસડીનો જથ્થો મુકેલ હતો.

જેમા ગત મોડી રાત્રીના અચાનક આકસ્મિક આગ લાગતા આગની ઘટનાની જાણ થતા લોકોમા દોડધામ મચી જવા પામી હતી. આગ પર કાબુ મેળવવા માટે પાલિકાના લાયબંબાને બોલાવાતા સતત પાણીનો મારો ચલાવાતા આગ પર કાબુ મેળવાયો હતો. જો કે લાયબંબા આવે તે પહેલા ઘાંસની અનેક ગંજીઓ આગમા બળીને રાખ થઈ ગઈ હતી. ખેડૂતને હજારો રૂપિયાનુ નુક્શાન થવા પામ્યુ હતુ.