કોરોના:પાંચમો રિપોર્ટ નેગેટિવ આવતા 22 વર્ષિય યુવકને રજા અપાઈ, સ્ટાફ દ્વારા તાળીઓના ગડગડાટ કરી વિદાય

છોટાઉદેપુરના સ્ટેશન રોડ વસેડી ખાતે રહેતા ઉજેર ફારૂક રેન્જર નામના 22 વર્ષિય યુવક કોરોના પોઝિટિવ આવતા તેમને સારવાર માટે મેડીટોપ હોસ્પિટલ ખાતેના કોવિડ આઇસોલેશન વોર્ડમાં દાખલ કરાયા હતા. કોરોના વાઇરસના આ દર્દીને સઘન સારવાર બાદ છેલ્લા 24 કલાકના “કોવિડ-19” માટેના ટેસ્ટ રિપોર્ટ નેગેટિવ આવતા, આજે તા.૧૨/૫/૨૦૨૦ના રોજ તેમને હોસ્પિટલમાંથી રજા આપવામાં આવી છે. મેડીટોપ હોસ્પિટલમાંથી ડિસ્ચાર્જ થયેલા ઉજેર રેન્જરને કોવિડ આઇસોલેશન હોસ્પિટલના સ્ટાફ દ્વારા તાળીઓના ગડગડાટ કરી વિદાય અપાઈ હતી. છોટાઉદેપુર જિલ્લાના કલેક્ટરે પ્રજાજનોને ‘લોકડાઉન’ના નીતિ નિયમો અને સૂચનાઓનું ચુસ્તપણે પાલન કરીને, આગામી દિવસોમાં જિલ્લાને “કોરોના મુક્ત” કરવામાં સૌને સહયોગ આપવાનો અનુરોધ કર્યો છે.